A Concellería de Xuventude do Concello de Vigo e a Asociación de Veciños Camiño Vello de Coia organizan a quinta edición do Día do Moz@, que se celebra o vindeiro sábado na Avenida de Castelao deste barrio vigués.
O Consello da Xerencia de Urbanismo aprobou por unanimidade solicitar á Consellería de Cultura, Comunicación Social e Turismo da Xunta de Galicia a declaración do Casco Vello de Vigo como Ben de Interese Cultural coa categoría de "Conxunto Histórico", cunha delimitación coincidente coa do planeamento urbanístico en redacción (Pepri do Casco Vello).
O vindeiro martes, 1 de xuño, entrará en funcionamento o paso soterrado de Travesía de Vigo. A alcaldesa de Vigo, Corina Porro, anunciou durante unha visita ás obras, a apertura ao tráfico deste tramo, que financia a empresa constructora do centro comercial da Travesía de Vigo, e que tivo un custo de 6,6 millóns de euros.