O alcalde de Vigo, Lois Castrillo, presentou o Plan de de Creación da Rede Municipal de Escolas Infantís, un documento no que se avalían as necesidades da cidade no eido da educación de menores de tres anos e se especifican as infraestructuras que cómpre acometer e o presuposto necesario.
O Plan de calidade turística 2003 subvencionará programas de dinamización nas rúas, material publicitario, mobiliario urbano, obras de rehabilitación de fachadas e de supresión de barreiras arquitectónicas cun orzamento total de 90.000 euros.
Co ánimo de facer partícipe á comunidade escolar do Día internacional dos museos, 18 de maio, o museo municipal "Quiñones de León" organizou a súa celebración o luns cunha xornada de animación cultural dirixida a escolares.
A Concellería de Festas e Animación Sociocultural colabora coa organización da Feira Trianera que se celebrará do 22 ao 26 de maio en Samil. Este evento pretende reunir á comunidade andaluza de Vigo e aos afeccionados ás danzas sevillanas.
A Concellería de Deportes organiza o campionato nacional de fútbol praia que se disputará do 8 ao 13 de xullo na praia do Vao coa participación de preto de 1.000 deportistas. A inscrición é gratuíta.