Un novo sistema informático rematará coas colas na Lonxa do Concello
A Xunta de Goberno Local adxudicou este luns por un valor de máis de 14.500 euros o sistema de xestión de espera que permitirá rematar coas colas na lonxa do Concello. A partires da súa instalación, "nun prazo inmediato", os cidadáns contarán cun punto de atención que expedirá boletos personalizados dependendo do servizo do que precisen. Ademais, o goberno cambiará a cuberta da lonxa para terminar coas pingueiras.
Os vigueses xa non terán que gardar colas de pé para realizar as súas xestións la lonxa do Concello. O goberno local ven de aprobar a adxudicación dun sistema informático que permitirá aos cidadáns obter o seu número personalizado para cada servizo municipal.
O novo sistema, adxudicado por un valor de 14.534 euros, conta cun monitor táctil de 17" no que o usuario fai a súa demanda de servizo, recibe o número correspondente á súa quenda e unha gran pantalla lle informa do momento no que lles toque. A xestión de espera, avanzou o alcalde, estará en funcionamento "en prazo inmediato".
Este equipamento operará para catro servizos: información, rexistro, estatística e outro máis que o Concello determine; aínda que pode ser ampliado ata os 30, co que cubrirá a sinalización de todos os puntos de atención da lonxa que precisen do dispositivo.
O alcalde, Abel Caballero, avanzou que o goberno, con esta medida, trata de reforzar o servizo nas xanelas de Padrón e Estatística, que asume na actualidade importantes colas. Ademais, o Concello recibiu 100 novos bancos para instalar na cidade, algúns dos cales se destinarán a aumentar os asentos na lonxa do Edificio Consistorial, salientou o alcalde.
Substitución da cuberta
O goberno local cambiará asemade, e por contratación de emerxencia, a cuberta da lonxa, obra cun orzamento de execución que ascende aos 137.560 euros. A substitución pasa pola desmontase da estrutura existente de placas de policarbonato, a colocación de perfilería de aluminio lacado branco e o acristalado en dobre vidro.
A obra durará aproximadamente dúas semanas, e rematará coas pingueiras que asolan a lonxa nos días de fortes choivas. O detonante foron as caídas o pasado 8 de maio, que fixeron necesaria a substitución urxente da cuberta.
Descargar todas as imaxes
O novo sistema, adxudicado por un valor de 14.534 euros, conta cun monitor táctil de 17" no que o usuario fai a súa demanda de servizo, recibe o número correspondente á súa quenda e unha gran pantalla lle informa do momento no que lles toque. A xestión de espera, avanzou o alcalde, estará en funcionamento "en prazo inmediato".
Este equipamento operará para catro servizos: información, rexistro, estatística e outro máis que o Concello determine; aínda que pode ser ampliado ata os 30, co que cubrirá a sinalización de todos os puntos de atención da lonxa que precisen do dispositivo.
O alcalde, Abel Caballero, avanzou que o goberno, con esta medida, trata de reforzar o servizo nas xanelas de Padrón e Estatística, que asume na actualidade importantes colas. Ademais, o Concello recibiu 100 novos bancos para instalar na cidade, algúns dos cales se destinarán a aumentar os asentos na lonxa do Edificio Consistorial, salientou o alcalde.
Substitución da cuberta
O goberno local cambiará asemade, e por contratación de emerxencia, a cuberta da lonxa, obra cun orzamento de execución que ascende aos 137.560 euros. A substitución pasa pola desmontase da estrutura existente de placas de policarbonato, a colocación de perfilería de aluminio lacado branco e o acristalado en dobre vidro.
A obra durará aproximadamente dúas semanas, e rematará coas pingueiras que asolan a lonxa nos días de fortes choivas. O detonante foron as caídas o pasado 8 de maio, que fixeron necesaria a substitución urxente da cuberta.