O alcalde afirma que "temos que seguir buscando espazos" para os colectivos que os necesitan
O alcalde, Abel Caballero, visitou este mércores o Centro Cívico do Casco Vello para coñecer de primeira man o estado das dependencias que alberga e as necesidades das asociacións que teñen nel a súa sede. Neste sentido, Caballero afirmou que "temos que seguir buscando espazos" para algunhas destas entidades.
Na súa visita, que efectuou acompañado polo concelleiro de Participación Cidadá, Santos Héctor, o alcalde constatou a existencia de "colectivos que necesitan espazos". En relación a este problema, Caballero engadiu que o Concello ten unha lista de máis de cen entidades de todo Vigo que necesitan locais máis amplos para poderen levar a cabo as súas actividades con maior eficacia.
No caso do Centro Cívico do Casco Vello, dada a notoria escasez de espazo dalgúns locais, o alcalde puido comprobar que "hai xente que está moi ben e outra que non", se ben "teñen todo moi arranxado e moi coidado".
O Centro Cívico do Casco Vello acolle as sedes da Asociación Veciñal e Cultural do Casco Vello, a Federación de Asociacións en Favor das Persoas con Atraso Mental de Galicia (FADEMGA), a Asociación Galega de Lupus (AGAL), a Rede de Mulleres Veciñais contra os Malos Tratos, a Asociación de Familiares de Enfermos de Alzhéimer de Galicia (AFAGA), a Asociación de Comerciantes e Hosteleiros de Vigo ‘Vigo Vello’ e o Centro de Atención Municipal (CAM). Ademais, o Centro Cívico do Casco Vello conta cun salón de actos, unha sala de reunións e unha aula de formación.
No caso do Centro Cívico do Casco Vello, dada a notoria escasez de espazo dalgúns locais, o alcalde puido comprobar que "hai xente que está moi ben e outra que non", se ben "teñen todo moi arranxado e moi coidado".
O Centro Cívico do Casco Vello acolle as sedes da Asociación Veciñal e Cultural do Casco Vello, a Federación de Asociacións en Favor das Persoas con Atraso Mental de Galicia (FADEMGA), a Asociación Galega de Lupus (AGAL), a Rede de Mulleres Veciñais contra os Malos Tratos, a Asociación de Familiares de Enfermos de Alzhéimer de Galicia (AFAGA), a Asociación de Comerciantes e Hosteleiros de Vigo ‘Vigo Vello’ e o Centro de Atención Municipal (CAM). Ademais, o Centro Cívico do Casco Vello conta cun salón de actos, unha sala de reunións e unha aula de formación.
