Domínguez salienta que o orzamento da Concellería de Comercio para 2008 é "o máis alto e participativo da historia"
O tenente de alcalde e concelleiro de Turismo e Comercio, Santi Domínguez, salientou este mércores que o orzamento da Concellería de Comercio do 2008 é o "máis alto e participativo da historia do Concello de Vigo". Ademais, o tenente de alcalde anunciou que inmediatamente despois das eleccións xerais manterá unha primeira reunión coas asociacións representativas do comercio e a hostelería da cidade "para chegar a acordos sobre como se investirán os orzamentos no pequeno e mediano comercio de Vigo".
Santi Domínguez sinalou como novidade nos orzamentos da Concellería de Comercio para este ano 2008 que as distintas asociacións que integran aos pequenos e medianos comercios da cidade terán unha "participación activa" no xeito de xestionar os recursos. "Serán as distintas asociacións de comerciantes e representantes dos mercados os que trazarán as liñas de traballo e dirán en que se van a gastar os recursos". Entre estas asociacións, o tenente de alcalde citou a Fecovi, a Asociación de Comerciantes Zona Centro, a Asociación de Comerciantes do Casco Vello, Mercacevi e a Federación Provincial de Hostelería.
Na súa intervención, Santi Domínguez desglosou o contido das diferentes partidas nas que se dividen os 770.000 euros destinados a investimentos e medidas de promoción presentes nos orzamentos para 2008. Así, explicou que 40.000 euros se dedicarán á realización de estudos no sector do pequeno e mediano comercio; 80.000 euros destinaranse a súa dinamización; 350.000 euros figuran para investir nos mercados municipais; 200.000 dedicaranse á reforma dos postos do mercado da Pedra; e, finalmente, a 100.000 euros ascende a cantidade que se destinará a subvencionar os establecementos que cumpran os criterios de excelencia e calidade turística.
"Os distintos representantes e asociacións dirán que aspectos do pequeno e mediano comercio precisamos coñecer máis polo miúdo, que aspectos queren que dinamicemos preferentemente e que tipo de campañas queren que levemos a cabo; en que aspectos das obras que se acometan temos que incidir; e que criterios debemos seguir para xestionar as axudas correspondentes", explicou o tenente de alcalde, quen salientou que este é un "novo xeito" de xestionar os recursos, facilitando e potenciando a participación dos destinatarios dos mesmos.
Para acadar este obxectivo, o tenente de alcalde manterá reunións de periodicidade trimestral cos representantes do comercio e a hostelería. Neste sentido sinalou que a primeira delas terá lugar inmediatamente despois das vindeiras eleccións xerais do 9 de marzo, e que as seguintes servirán para dar conta de "como se gastan os os recursos e facilitar informes sobre as distintas xestións realizadas". Ademais, a última reunión do ano permitirá elaborar os orzamentos do 2009. "Deste xeito, os orzamentos do próximo exercicio serán tamén participativos e emanarán do sector ao que vaia dirixido", subliñou Santi Domínguez.
No tocante á remodelación dos postos da rúa das Ostras, o concelleiro de Comercio adiantou que na reunión que manterá cos seus representantes e os do Casco Vello exporá o proxecto existente e pediráselles que expresen as súas iniciativas. "Queremos que o resultado definitivo sexa resultado do consenso", salientou na súa intervención. Matizou ademais que a reforma que se levará a cabo ten como obxectivo solventar os problemas de filtración de augas que persisten tras as últimas obras realizadas. "Esta actuación enmárcase na dinamización do Casco Vello, e con ela queremos que este sexa un espazo que se poida utilizar durante todo o ano", indicou Santi Domínguez, quen manifestou que o orzamento máximo oscilará entre os 40.000 e 50.000 euros e que unha vez que as obras estean licitadas no mes de abril o período de execución non debería exceder os dous meses.
"Xestionar os recursos da forma máis racional posible; involucrar aos destinatarios e á cidadanía en xeral no goberno da cidade; acadar a máxima transparencia posible na xestión dos recursos cos que conta o Concello; impulsar que os diferentes sectores comecen a pensar en clave de cidade á hora de desenvolver os seus proxestos e xenerar riqueza mediante a vertebración dos distintos sectores sociais da cidade" constitúen, en palabras de Santi Domínguez, os cinco obxectivos básicos deste impulso á participación que se inicia na Concellería de Comercio pero que o tenente de alcalde anunciou que se estenderá ás outras áreas de goberno que dependen do BNG.
Descargar todas as imaxes
Na súa intervención, Santi Domínguez desglosou o contido das diferentes partidas nas que se dividen os 770.000 euros destinados a investimentos e medidas de promoción presentes nos orzamentos para 2008. Así, explicou que 40.000 euros se dedicarán á realización de estudos no sector do pequeno e mediano comercio; 80.000 euros destinaranse a súa dinamización; 350.000 euros figuran para investir nos mercados municipais; 200.000 dedicaranse á reforma dos postos do mercado da Pedra; e, finalmente, a 100.000 euros ascende a cantidade que se destinará a subvencionar os establecementos que cumpran os criterios de excelencia e calidade turística.
"Os distintos representantes e asociacións dirán que aspectos do pequeno e mediano comercio precisamos coñecer máis polo miúdo, que aspectos queren que dinamicemos preferentemente e que tipo de campañas queren que levemos a cabo; en que aspectos das obras que se acometan temos que incidir; e que criterios debemos seguir para xestionar as axudas correspondentes", explicou o tenente de alcalde, quen salientou que este é un "novo xeito" de xestionar os recursos, facilitando e potenciando a participación dos destinatarios dos mesmos.
Para acadar este obxectivo, o tenente de alcalde manterá reunións de periodicidade trimestral cos representantes do comercio e a hostelería. Neste sentido sinalou que a primeira delas terá lugar inmediatamente despois das vindeiras eleccións xerais do 9 de marzo, e que as seguintes servirán para dar conta de "como se gastan os os recursos e facilitar informes sobre as distintas xestións realizadas". Ademais, a última reunión do ano permitirá elaborar os orzamentos do 2009. "Deste xeito, os orzamentos do próximo exercicio serán tamén participativos e emanarán do sector ao que vaia dirixido", subliñou Santi Domínguez.
No tocante á remodelación dos postos da rúa das Ostras, o concelleiro de Comercio adiantou que na reunión que manterá cos seus representantes e os do Casco Vello exporá o proxecto existente e pediráselles que expresen as súas iniciativas. "Queremos que o resultado definitivo sexa resultado do consenso", salientou na súa intervención. Matizou ademais que a reforma que se levará a cabo ten como obxectivo solventar os problemas de filtración de augas que persisten tras as últimas obras realizadas. "Esta actuación enmárcase na dinamización do Casco Vello, e con ela queremos que este sexa un espazo que se poida utilizar durante todo o ano", indicou Santi Domínguez, quen manifestou que o orzamento máximo oscilará entre os 40.000 e 50.000 euros e que unha vez que as obras estean licitadas no mes de abril o período de execución non debería exceder os dous meses.
"Xestionar os recursos da forma máis racional posible; involucrar aos destinatarios e á cidadanía en xeral no goberno da cidade; acadar a máxima transparencia posible na xestión dos recursos cos que conta o Concello; impulsar que os diferentes sectores comecen a pensar en clave de cidade á hora de desenvolver os seus proxestos e xenerar riqueza mediante a vertebración dos distintos sectores sociais da cidade" constitúen, en palabras de Santi Domínguez, os cinco obxectivos básicos deste impulso á participación que se inicia na Concellería de Comercio pero que o tenente de alcalde anunciou que se estenderá ás outras áreas de goberno que dependen do BNG.