Escoitar
Igualdade

Campaña "Vivir en parella é cousa de 2". Cursos

<br />

venres, 28 set 2007
A Concellería de Igualdade do Concello de Vigo ten aberto o prazo de inscrición para os seguintes cursos de carácter gratuíto, dentro da campaña "Vivir en parella é cousa de 2" no marco do "III Plan municipal de Igualdade de Oportunidades das mulleres e homes do Concello de Vigo 2005-2007"

CURSOS MIXTOS

1.- Como podo entenderte?

Destinatarios/as: Homes e mulleres maiores de 18 anos, que desexen entender ou mellorar as súas relacións cos/coas demáis e empadroados/as no Concello de Vigo.
Contidos: trataranse aspectos importantes da comunicación, as emocións, a asertividade e a empatía.
Recursos para unha comunicación eficaz, xestión dos desacordos, resolución de conflitos... Factores e coñecementos que hai que ter en conta para unhas relacións interpersoais gratificantes e de calidade.
Período e horarios: martes de 19.00 a 21.30 horas. Inicio: martes 16 de outubro. 20 horas.

2.- O coidado das persoas dependentes

Destinatarios/as: homes e mulleres maiores de 18 anos e empadroados/as no Concello de Vigo.
Contidos: Para prestar unha boa atención ás persoas maiores que están ao noso coidado impartiránse módulos sobre hixiene, alimentación, mobilización, descanso e sono, seguridade, termoregulación, autoestima, coidar a quen coida.
A metodoloxía basearase na impartición de clases teóricas e prácticas con simulación en manequíns preparados e co alumnado.
Período e horarios: martes e xoves de 18.30 a 21.00 horas. Inicio: martes 16 de outubro.30 horas.



CURSOS PARA MULLERES

1.- Reparacións domésticas básicas

Destinatarias: mulleres maiores de 18 anos, e empadroadas no Concello de Vigo.
Contidos: Introdución ás ferramentas básicas para as reparacións domésticas de paredes, teitos, peches, mobles, fontanería, electricidade…
Período e horarios: luns e mércores de 18.00 a 20.00 horas.Inicio: luns 15 de outubro. 24 horas.

2.- Mecánica e electricidade do automóbil
Destinatarias: mulleres maiores de 18 anos e empadroadas no Concello de Vigo.
Contidos: módulos teóricos e prácticos sobre: fundamentos do motor, particularidades da dirección, a transmisión, freos, rodas e neumáticos, sistemas eléctricos, depósito de combustible, mantemento, refrixeración do motor, gasolina-diesel, sistemas de seguridad, valoración e solución de averías.
Período e horarios: luns e mércores de 18 a 21 horas.Inicio: luns 15 de outubro. 30 horas



CURSOS PARA HOMES

1.- Preparo, cociño e comparto
Destinatarios: homes maiores de 18 anos, sen necesidade de coñecementos previos e empadroados no Concello de Vigo.
Contidos: Elaboración de menús: primeiro e segundo prato, postres e doces variados. Organización e distribución de alimentos no frigorífico. Cesta da compra: frescura dos alimentos, organización doméstica, dieta saudable, etc.

Periodo e horarios: luns de 19 a 21.30 horas e sábados de 11 a 13.30 horas .Inicio: luns 15 de outubro. 30 horas.
No caso de ter máis alumnos matriculados que número de prazas, seleccionarase aos 15 alumnos dando prioridade aqueles que teñan acreditada a súa asistencia nalgún dos cursos de anteriores edicións do programa.

2.- Os coidados que necesita a nosa roupa
Destinatarios: Homes maiores de 18 anos, empadroados en Vigo.
Contidos: Clases prácticas e teóricas sobre os coidados das prendas de vestir; técnicas de pranchado, lavado, tendido e dobrado de roupa, costura básica, marcado de prendas, tratmento de manchas, organización de armario, etc.
Periodo e horarios: Martes e xoves de 19.30 a 21.30.Inicio: martes 16 de outubro. 20 horas.


Para todos os cursos o período de inscrición remata o 10 de outubro e as prazas son limitadas.
As inscricións realizaranse na Concellería de Igualdade (antes Muller), 1ª planta da Casa do Concello de Vigo, ou ben a través do Tfno. 986 810 284, en horario de 8.00 a 15.00 h.
Máis información: www.vigo.org