Publicada no BOE a aprobación provisional do estudo informativo do AVE
O Boletín Oficial do Estado publica este venres a resolución da Dirección Xeral de Ferrocarrís pola que se aproba provisionalmente o estudo informativo do tramo Ourense-Vigo do AVE.
Este "Estudo Informativo do Proxecto de Liña de Altas Prestacións a Galicia. Tramo Ourense-Vigo" foi aprobado provisionalmente o 19 de setembro pola Dirección Xeral de Ferrocarrís e estará exposto ao público nos locais da Delegación do Goberno en Galicia, das Subdelegacións do Goberno en Ourense e Pontevedra e na Dirección Xeral de Ferrocarrís do Ministerio de Fomento.