O Concello repartirá un CD-ROM didáctico sobre Vigo entre os centros de ensino secundario
O Servizo de Educación do Concello de Vigo vai repartir entre os centros de ensino secundario e as asociacións de veciños 500 CD-ROM didácticos sobre a nosa cidade. Este CD-ROM, titulado "A cidade de Vigo", foi elaborado por dúas profesoras do IES San Tomé de Freixeiro no marco dun concurso de ideas convocado polo Concello.
"A cidade de Vigo" é un CD-ROM interactivo que pretende ser unha ferramenta educativa versátil, motivadora e atractiva para o alumnado de 2º ciclo da ESO. Así, as súas autoras, as profesoras Mª Carmen Arenas e Concepción Díaz, incluíron nel información sobre documentos escritos, visuais e dixitais nos bloques temáticos de xeografía e historia.
Ambos os bloques temáticos conteñen actividades de traballo con tres diferentes niveis de dificultade, ademais de páxinas web relacionadas e enlaces para acceder a información complementaria e ampliar coñecementos. Toda este material pode ser adaptado segundo a capacidade de alumnos de distintos niveis educativos.
O CD-ROM presentado hoxe xoves polo concelleiro de Educación, Ignacio López-Chaves, trata a cidade como recurso educativo privilexiado, que posibilita achegar a realidade territorial, socioeconómica e histórica de Vigo aos alumnos.
Un dos propósitos fundamentais deste material interdisciplinar e innovador é que o alumnado adquira un coñecemento da cidade que o implique con ela, para que, como dixo Ignacio López-Chaves, "coñecéndoa a queiran e queréndoa a protexan". Deste xeito, o Servizo de Educación quere facer dos alumnos persoas responsables na conservación e mellora do seu contorno.
Un grao de motivación engadido para os estudantes é o emprego da informática como tecnoloxía educativa.
Descargar todas as imaxes
Ambos os bloques temáticos conteñen actividades de traballo con tres diferentes niveis de dificultade, ademais de páxinas web relacionadas e enlaces para acceder a información complementaria e ampliar coñecementos. Toda este material pode ser adaptado segundo a capacidade de alumnos de distintos niveis educativos.
O CD-ROM presentado hoxe xoves polo concelleiro de Educación, Ignacio López-Chaves, trata a cidade como recurso educativo privilexiado, que posibilita achegar a realidade territorial, socioeconómica e histórica de Vigo aos alumnos.
Un dos propósitos fundamentais deste material interdisciplinar e innovador é que o alumnado adquira un coñecemento da cidade que o implique con ela, para que, como dixo Ignacio López-Chaves, "coñecéndoa a queiran e queréndoa a protexan". Deste xeito, o Servizo de Educación quere facer dos alumnos persoas responsables na conservación e mellora do seu contorno.
Un grao de motivación engadido para os estudantes é o emprego da informática como tecnoloxía educativa.