Destacados pensadores participarán en outubro nas XV Xornadas Filosóficas de Vigo
De onde vimos? Cara a onde imos? Estas son dúas preguntas frecuentes na historia do pensamento filosófico. As XV Xornadas de Filosofía de Vigo, que se desenvolverán do 18 ao 21 de outubro baixo o título de "A realidade humana: problemática actual da persoa", poden servir para acharlles resposta.
As Xornadas, organizadas polo grupo Aletheia, terán lugar no salón de actos da Fundación Caixagalicia, que as patrocina xunto co Concello. O concelleiro de Cultura, Ignacio López-Chaves, anima os cidadáns a participar neste evento, porque "un pobo que non pensa é un pobo sen futuro".
Pola súa parte, o vicepresidente do grupo Aletheia Emilio García Bonome asegurou hoxe venres durante a presentación das Xornadas que a calidade intelectual dos conferenciantes deste ano fai que o programa sexa dun "altísmo nivel", ademais de "compensado" e "atractivo para o público en xeral".
O martes 18 de outubro, despois da apertura das XV Xornadas, o catedrático de ética Camilo José Cela Conde falará, a partir das 17:00, dos correlatos entre as estructuras cerebrais e a conducta moral humana. O mesmo día, ás 19:00, Eduald Carbonell, codirector das excavacións de Atapuerca, iniciará a súa conferencia sobre "Evolución social e desenvolvemento tecnolóxico".
O colaborador da NASA e estudoso do cerebro Javier De Felipe abrirá a xornada do mércores 19 ás 17:00, para tratar dos aspectos comparativos deste órgano. Ás 19:30 será a vez de Jesús Mosterín, "seguramente o filósofo español máis coñecido internacionalmente", segundo Emilio García Bonome. Jesús Mosterín falará de "Natureza humana e xenoma humano".
O xoves 20, a partir das 17:00, José María Bermúdez de Castro impartirá unha conferencia titulada "Evolución humana: dieta, dentes e cerebro". Bermúdez de Castro, director das excavacións de Atapuerca, é na actualidade a principal referencia en España no seu campo de investigación, polo que a súa presenza nas Xornadas foi considerada "un privilexio" por Emilio García Bonome. Tamén o día 20 falará un dos principais teóricos da linguaxe a nivel mundial, Tecumseh Fitch. A súa conferencia leva por título "Evolución da linguaxe: Unha aproximación comparativa".
Finalmente, o venres 21 o especialista en Aristóteles Tomás Calvo tratará, a partir das 17:00, da natureza humana deste filósofo. Ás 20:00, a primatóloga Carmen Maté compartirá, na última conferencia, os seus coñecementos sobre a conducta dos homínidos.
Todas as conferencias, de entre unha hora e unha hora e media de duración, virán seguidas dun coloquio.
Descargar todas as imaxes
Pola súa parte, o vicepresidente do grupo Aletheia Emilio García Bonome asegurou hoxe venres durante a presentación das Xornadas que a calidade intelectual dos conferenciantes deste ano fai que o programa sexa dun "altísmo nivel", ademais de "compensado" e "atractivo para o público en xeral".
O martes 18 de outubro, despois da apertura das XV Xornadas, o catedrático de ética Camilo José Cela Conde falará, a partir das 17:00, dos correlatos entre as estructuras cerebrais e a conducta moral humana. O mesmo día, ás 19:00, Eduald Carbonell, codirector das excavacións de Atapuerca, iniciará a súa conferencia sobre "Evolución social e desenvolvemento tecnolóxico".
O colaborador da NASA e estudoso do cerebro Javier De Felipe abrirá a xornada do mércores 19 ás 17:00, para tratar dos aspectos comparativos deste órgano. Ás 19:30 será a vez de Jesús Mosterín, "seguramente o filósofo español máis coñecido internacionalmente", segundo Emilio García Bonome. Jesús Mosterín falará de "Natureza humana e xenoma humano".
O xoves 20, a partir das 17:00, José María Bermúdez de Castro impartirá unha conferencia titulada "Evolución humana: dieta, dentes e cerebro". Bermúdez de Castro, director das excavacións de Atapuerca, é na actualidade a principal referencia en España no seu campo de investigación, polo que a súa presenza nas Xornadas foi considerada "un privilexio" por Emilio García Bonome. Tamén o día 20 falará un dos principais teóricos da linguaxe a nivel mundial, Tecumseh Fitch. A súa conferencia leva por título "Evolución da linguaxe: Unha aproximación comparativa".
Finalmente, o venres 21 o especialista en Aristóteles Tomás Calvo tratará, a partir das 17:00, da natureza humana deste filósofo. Ás 20:00, a primatóloga Carmen Maté compartirá, na última conferencia, os seus coñecementos sobre a conducta dos homínidos.
Todas as conferencias, de entre unha hora e unha hora e media de duración, virán seguidas dun coloquio.