Abel Caballero recibe a Lloyd Kaufman con motivo do Galician Freaky Film Festival
O alcalde saudou esta mañá en Porta do Sol ao cineasta estadounidense Lloyd Kaufman, fundador de Troma Entertainment e creador de The Toxic Avenger, convidado de honra da décima edición do Galician Freaky Film Festival. Durante o encontro abordaron a conexión cultural entre Vigo e Nova York e a traxectoria e influencia internacional de Kaufman no cinema independente e de serie B. O director visita Vigo no marco do festival, que se celebra na cidade do 17 ao 26 de setembro, e no que recibirá un premio honorífico pola súa traxectoria. Kaufman é unha das figuras de referencia do cinema underground estadounidense e a súa obra exerceu influencia sobre posteriores xeracións de cineastas. O Concello mantén o seu apoio ao Galician Freaky Film Festival, ao que destina 6.000 euros nos orzamentos municipais de 2026 dentro das achegas ás entidades e festivais culturais da cidade.
