O Concello instala 15 novos mupis dixitais con información de interese para a cidadanía
O alcalde presentou esta mañá os soportes informativos dixitais instalados en quince zonas da cidade que emiten, de forma constante, datos das distintas iniciativas municipais.
Abel Caballero explicou esta mañá, durante o acto de presentación coa primeira tenente de alcalde e as concelleiras de Turismo e de Emprego, que o obxectivo da instalación e ampliación da rede de soportes dixitais é mellorar a sinalización da cidade, así como facilitar información permanentemente.
O Concello ampliará a información proporcionada nos mupis, xa que á programación cultural que se facilita na actualidade vai ir sumándose información sobre a actualidade da cidade. Un total de 12 dos 15 soportes serán tótems de dobre cara con pantalla táctil. O resto contarán con formato monoposte con 2,5 metros de altura.
O rexedor destacou que os 700.000 euros investidos proceden de fondos achegados polo Goberno de España, nunha asignación coa que tamén se financiaron as obras do túnel e de mellora da fortaleza do Castro, entre outras accións.
Emprazamentos
Tres monopostes de 2,5 de alto e pantalla de 200 por 100 centímetros:
- Verbum- Samil
- Príncipe. MARCO
- Estadio de Balaídos. Bancada Marcador Centenario
Doce tótems de 220 por 80 centímentros:
- Praza da Estación (Vialia)
- Estación de Guixar
- Praza da Independencia
- Cánovas del Castillo
- Baixada Fonte
- Porta do Sol
- Rúa Uruguai
- Gran Vía – Rúa Honduras
- Praza Compostela – Concepción Arenal
- Navia (contorna do Máis que Auga)
- Praza de América cara a Avenida de Florida
- Torrecedeira – Ascensor Parque Camilo José Cela