O goberno municipal reforza o seu apoio a Érguete e Down Vigo con convenios para os próximos tres anos
O alcalde destacou o compromiso municipal coa atención ás persoas drogodependentes e coa promoción da autonomía das persoas con síndrome de Down.
Abel Caballero informou da aprobación en Xunta de Goberno de dous convenios de colaboración con Érguete e Down Vigo para o período 2026-2029, co obxectivo de seguir apoiando programas de atención social, inclusión e desenvolvemento da autonomía persoal.
No caso de Érguete, o convenio contará cun importe total de 205.740 euros, o que supón unha achega anual de 51.435 euros. A través deste acordo, o Concello colaborará no desenvolvemento de dous programas: o programa de pisos de apoio para persoas drogodependentes e o programa Sereos, dirixido á atención das necesidades básicas de alimentación e hixiene das persoas usuarias con problemas de drogodependencia.
Caballero puxo en valor o traballo que realiza a entidade na cidade e destacou que o Concello seguirá “sempre ao lado de Érguete na súa marabillosa función social”.
Apoio á autonomía das persoas con síndrome de Down
A Xunta de Goberno tamén aprobou o convenio de colaboración con Down Vigo para os anos 2026-2029, cunha dotación de 26.000 euros. O acordo permitirá continuar desenvolvendo o programa Móvome, orientado á promoción da autonomía persoal e á adquisición de habilidades sociais e destrezas para a vida diaria das persoas con síndrome de Down.
O alcalde destacou o éxito desta iniciativa e a súa capacidade para mellorar a independencia e a integración social das persoas participantes. “É un programa importantísimo, cunha gran capacidade de trasladar autonomía ás persoas con síndrome de Down”, sinalou.
Seguiremos ao lado de Down Vigo apoiando toda a súa acción”, concluíu.