O Goberno municipal suma 15,6 millóns ao orzamento de 2026 para investimentos en barrios e parroquias
O Pleno da Corporación Municipal de Vigo aprobou na sesión extroardinaria desta mañá a proposta do grupo municipal socialista de ampliar en 15,6 millóns de euros o orzamento de 2026. Os edís do PP e do BNG votaron en contra da iniciativa que inclúe actuacións en vivenda, política social, cultura, deportes, humanizacións, educación, alén de axudas a entidades cidadás de toda a cidade.
Caballero indica que cos seus votos en contra, os edís do PP e do BNG demostran que están “tan politizados que o único que pensan é en prexudicar á cidade. Cren que prexudicando á cidade e evitando que fagamos todas as obras lles a vai ir mellor a eles".
No debate plenario, o concelleiro de Orzamentos e Facenda, Jaime Aneiros, afirmou que o Goberno Municipal leva adiante unha “proposta construtiva para toda a cidade”, xa que inclúe proxectos para “seguir desenvolvendo todos os barrios e parroquias”. Recalcou que o executivo local, que nas últimas eleccións municipais alcanzou un apoio do 60 por cento dos votantes de Vigo, “xestiona para toda a cidade mantendo un diálogo constante coa cidadanía.
Caballero recalcou que co seu rexeitamento á proposta do Goberno Municipal, os edís do PP e o BNG están en contra das seguintes actuacións:
- Humanización de Serafín Avendaño.
- Exposición de Julio Verne.
- Finalización de obras.
- Cuberta da pista deportiva en Zamáns.
- Humanización da rúa Lepanto.
- Ramplas de Pintor Colmeiro.
- Ramplas de Pintor Lugrís.
- Concertos de Castrelos.
- Servizo de Atención Domiciliaria.
- Praza de Fernando Elorrieta Rey (rúa Palencia).
- Melloras nos centros culturais.
- Plan de renovación de placas identificativas das rúas.
- Adquisición de parcelas para a mellora do areal do Cocho (Alcabre).
- Melloras nos centros de asociacións de veciños.
- Escultura de Iago Aspas.
- Sede European Police and Fire Games (Xogos Europeos de Policías e Bombeiros).
- Funcionamento e mantemento do Auditorio Mar de Vigo.
- Reparación estrutural do muro de contención da Vila Romana de Toralla.
- Novo contrato de coches para a Policía Local.
- Escola Infantil Municipal de Bembrive.
- Climatización do Centro Municipal Distrito de San Roque
- Expropiacións para seguir desenvolvendo o PXOM
- Subvencións para a adecuación de vivendas baleiras que se incorporen ao mercado de alugueiro a prezo taxado.
- Construción do edificio Esturáns.
- Rehabilitación do edificio Ramón Nieto, 58 (antiga cooperativa de agricultores de Lavadores).
- Acondicionamento da Oficina Municipal de Rehabilitación, na Praza da Princesa.