O HALO, premiado nos 4 Future Awards de Canadá
É o principal concurso de deseño arquitectónico, o máis importante de Canadá. O HALO foi galardoado na categoría de Transporte e está no “Best of best” de 2025 xunto a outros deseños internacionais. Tamén foi recoñecido nos Premios de Arquitectura e Rehabilitación de Galicia deste ano.
Abel Caballero celebrou a consolidación do HALO como unha obra icónica de deseño e mobilidade. O alcalde subliñou a relevancia do premio dos 4 Future Awards no que a icona de Vigo é a única obra española entre as seleccionadas no “Best of best” de 2025. Vigo aparece xunto a outros deseños de China, Brasil, Estados Unidos, Francia, Italia, Alemaña, Austria e outros países.
Tamén o elevador con vistas á ría e que une dous puntos moi poboados da cidade foi recoñecido nos Premios de Arquitectura e Rehabilitación de Galicia.
“O HALO está a dar a volta ao mundo, recibindo premios polo seu deseño e forma de mobilidade con millóns de viaxes desde a súa posta en funcionamento”, concluíu.