O restaurado cartel publicitario de Domecq volve lucir como na súa instalación no ano 1926
Abel Caballero, Carmela Silva e Ángel Rivas descubriron esta mañá o cartel publicitario da firma Domecq situado entre a rúa Policarpo Sanz e a Porta do Sol que foi restaurado polo Concello de Vigo.
O alcalde lembrou que o anuncio de principios do século XX foi obxecto de dúas obras de restauración desde o ano 2008. “É unha parte da historia de Vigo”, destacou. Caballero lembrou que o cartel, que foi instalado en 1926, conta con garantías da súa conservación pola instalación dun novo cristal de protección.