O alcalde despide ao alumnado do programa Vigo en Inglés
Caballero asistiu á despedida de 35 alumnos e alumnas que estarán 3 semanas en Irlanda para aprender inglés. “Van cheos de ilusión e con moitas ganas de aprender e vivir a experiencia”, declarou o rexedor. O Concello beca a máis de 1.000 rapaces e rapazas de 4º da ESO para que aprendan inglés en Reino Unido e Irlanda. “Son recursos de Vigo ben investidos”, afirmou. O goberno local dedica 3,3 millóns de euros cada ano ao programa Vigo en Inglés.
