Reabre a Colección Luis Torras na Casa das Artes
O Concello investiu máis de 30.000 euros na renovación da sala do segundo andar de Casa das Artes que alberga a colección do artista vigués. O alcalde acudiu á reapertura onde puxo en valor a obra do artista e percorreu a exposición xunto a tenente de Alcalde, Carmela Silva, o concelleiro de Cultura, Gorka Gómez, a comisaria, familiares de Torras e outros artistas. O alcalde invitou á cidadanía a visitar a obra de Luis Torras, “un traballo de excelencia única”.
