1.020 estudantes gozarán este ano da súa beca de inglés, cun orzamento de 3,3 millóns
O programa Vigo en inglés permitirá enviar este ano a 1.020 estudantes de 4º da ESO ao Reino Unido ou a Irlanda durante tres semanas. Esta mañá publicáronse as listaxes provisionais e o período de reclamacións estará aberto entre o próximo luns e o martes 13 de xuño.
Abel Caballero anunciou a publicación das listaxes provisionais do alumnado beneficiado dentro do programa Vigo en inglés. Este ano recibíronse 1.113 solicitudes das que 80 non cumprían algún ou algúns dos requisitos da convocatoria, detallou.
O número de beneficiarios desta edición é de 1.020, quedando lista de agarda de apenas 13 suplentes que, previsiblemente, acabarán gozando da experiencia debido ás eventuais renuncias que se rexistran todos os anos. O prazo de reclamacións estará operativo entre o 2 e o 13 de xuño e as listas definitivas serán validadas ao longo do mes que vén. Nese momento, as familias terán que aceptar a praza.
O investimento municipal neste programa será este ano de 3,3 millóns de euros e o custo de cada praza é de 3.243 euros. Trátase dun diñeiro moi ben invertido, apuntou Caballero, e a experiencia e moi valorada polo 100% dos beneficiados.