O aeroporto de Vigo rexistra en xaneiro o maior crecemento de viaxeiros de Galicia con 78.635 usuarios
O alcalde remarcou este mércores que os datos de pasaxeiros da terminal viguesa rexistrados no pasado mes de xaneiro, que constatan un incremento do 3,35 por cento con respecto ao mesmo mes de 2024 ata alcanzar os 78.635 viaxeiros, poñen en evidencia que Peinador “segue indo extraordinariamente ben” e que “Vigo, e o seu aeroporto, tiran”.
Abel Caballero destacou hoxe que os datos oficiais de AENA sobre o tráfico de pasaxeiros do aeroporto de Vigo en xaneiro confirman que é o aeródromo que rexistra o maior crecemento dos tres galegos.
O crecemento de usuarios de Vigo, cifrado nun 3,35%, é seguido polo aumento dun 2,2 por cento na Coruña, e constrasta co descenso do 5,61 por cento rexistrado en Santiago. O alcalde explicou que os 78.635 viaxeiros que utilizaron o aeroporto de Vigo, representan 2.551 máis que o ano pasado, e que os datos do pasado mes de xaneiro son os mellores desde o ano 2008.