Vigo rexistra récord na ocupación hoteleira de xuño
O alcalde desvelou que a ocupación media nos hoteis da cidade durante o mes de xuño foi do 76%, “o mellor resultado de ocupación hoteleira nun mes de xuño desde que hai rexistros”.
Vigo segue a rexistrar récords en datos turísticos, neste caso na ocupación hoteleira no mes de xuño, que foi do 76%. O alcalde celebrou o dato, que supera en 4,6 puntos o do ano anterior e afirmou que “Vigo está no escenario turístico de Galicia, España, Europa, Iberoamérica e Estados Unidos”.
A ocupación hoteleira media do mes de xuño no 76% supón o mellor dato nun mes de xuño desde que hai rexistros. En canto á distribución dos turistas, o 11,5% veñen doutras partes de Galicia, o 47% do resto de España e o 42% son internacionais.
Dos internacionais, destaca o turismo proveniente de Portugal, sendo o 28% dos internacionais, seguido de Estados Unidos cun 11%, Italia e Alemaña superan o 6% e Francia e Reino Unido rexistraron un 5,6%.