O alcalde participa na inauguración das novas oficinas de Aqualia en Vigo
Abel Caballero percorreu o novo espazo que a concesionaria da auga abre na rúa Venezuela para atender “mellor e de forma máis eficaz á cidadanía viguesa”.
![Abel Caballero e Félix Parra, CEO de Aqualia, cortando a cinta na inauguración das oficinas](https://xornal.vigo.org/storage/images/opt/73164tyQ0SUMcFp7q2BZwvZ5zOJM7RcVLhMjlkkO.jpeg)
O rexedor estivo acompañado por Félix Parra, CEO de Aqualia, unha empresa á que se referiu como unha “grande compañeira de viaxe na mellora permanente do ciclo da auga na cidade” e valorou o “enorme emprego” que xera en Vigo con capacidade de atención as 24 horas do día os 365 días do ano.
Caballero puxo en valor a obra da nova potabilizadora de auga de Vigo, un proxecto cun investimento de máis de 20 millóns de euros “pagados exclusivamente por Vigo”, destacou a depuradora que está “en pleno funcionamento” e avanzou o aproveitamento dos fondos europeos co Perte da auga que reverterá na “mellora da cidade”.
As novas oficinas de Aqualia na rúa Venezuela servirán para atender “mellor e de forma máis eficaz á cidadanía viguesa” e serven tamén para dar servizo ao resto de Galicia.
![Abel Caballero e Félix Parra, CEO de Aqualia, cortando a cinta na inauguración das oficinas](https://xornal.vigo.org/storage/images/opt/73164tyQ0SUMcFp7q2BZwvZ5zOJM7RcVLhMjlkkO.jpeg)
![](https://xornal.vigo.org/storage/images/opt/r9VvTV8SlzjGbJeFGCuttFgJqPTwYd420ry77EM0.jpeg)
![](https://xornal.vigo.org/storage/images/opt/UgFHOmRTm5QlHpzk5yVsJV89pYSF9ejULxrwoQqs.jpeg)
![](https://xornal.vigo.org/storage/images/opt/7xvfYfqm7QxriA1WF6miCIR7OzC7Q1bP8xkxR0E6.jpeg)