Vigo inicia o entroido este venres co concerto de Soraya na Porta do Sol
O alcalde informou de que mañá sábado, ás 18 horas, comeza o desfile de comparsas e carrozas desde Isaac Peral con final de percorrido na Porta do Sol onde, ao remate, actúa Ketama en concerto.
![O alcalde, en rolda de prensa.](https://xornal.vigo.org/storage/images/opt/4PPmU5iOaNpsxuNkCSevF56fnJv1pHNz8shsugmf.jpeg)
A Porta do Sol e a contorna do Príncipe acollerán máis de 20 actividades, concertos e actos neste Entroido 2020 desde hoxe e ata o mércores 26 de febreiro. Abel Caballero explicou que o desfile de comparsas partirá do nó de Isaac Peral ás 18h de mañá sábado co percorrido habitual e final na Porta do Sol. As comparsas deberán ter un mínimo de 35 integrantes e haberá premios de 3.000, 2.500 e 2.000 euros, respectivamente, para os tres primeiros e catorce accésits de mil euros cada un.
Hoxe venres comeza o programa de actividades con animación de rúa en Príncipe e Porta do Sol desde as 18 horas, entronización do Meco ás 20h e posterior concerto de Soraya Arnelas. O sábado, novamente animación da rúa no centro desde as 17h, co desfile-concurso de comparsas e carrozas ás 18h e concerto de Ketama na Porta do Sol (21:00 horas).
O domingo ás 10h arranca en Príncipe a carreira popular infantil e unha hora máis tarde, a categoría de adultos e veteranos, con saída en Porta do Sol e percorrido por Elduayen, Paseo de Alfonso, Pi y Margall, Lopez Mora, Camelias, Romil, Cachamuiña, Pracer, Progreso, Doutor Cadaval e final na Porta do Sol. Na tarde do domingo, animación de rúa de 17 a 19h en Príncipe e Praza da Princesa, actuacións infantís ante o MARCO ás 17h e chocolatada infantil ás 18h no mesmo emprazamento.
O luns 24, haberá obradoiros e animación infantil de 17 a 20h diante do MARCO, cunha chocolatada infantil ás 18h. O martes 25, concursos de disfraces ante o MARCO e a queima do Meco ás 22:30h na Porta do Sol.
O mércores 26 de febreiro celébranse as exequias funerarias solemnes das comparsas e acompañamento da comitiva ás 18h, en Porta do Sol, Príncipe, Colón, Policarpo Sanz e volta á Porta do Sol. Este será o punto de celebración do enterro do Meco, ás 19:30h, cos oficios laicos, responsos e sermóns, e lectura da acta do xurado e entrega de premios dos concursos de comparsas e carrozas.
![O alcalde, en rolda de prensa.](https://xornal.vigo.org/storage/images/opt/4PPmU5iOaNpsxuNkCSevF56fnJv1pHNz8shsugmf.jpeg)
![Cartel do Entroido 2020.](https://xornal.vigo.org/storage/images/opt/pk51o2xB0ROA60k3M2lrBbRgTk4kX0dGKzsvZx18.png)