O Goberno local modificará as ordenanzas para poder construír aparcadoiros baixo algunhas zonas verdes

O próximo Pleno da corporación municipal debaterá unha modificación puntual do Plan Xeral de Ordenación Urbana que consiste na inclusión na Ordenanza de Zonas verdes e Espacios Libres o uso de garaxe-aparcamento no subsolo. Este novo uso, que está admitido na Lei do Solo de Galicia, non poderá en ningún caso desnaturalizar o carácter e finalidade dos espacios arborados e axardinados que se destinan ao lecer da poboación.

A modificación establece tamén a necesidade de xustificar a creación de garaxes baixo zonas verdes de acordo cunha política municipal de aparcadoiros que responda a un determinado patrón de mobilidade e accesibilidade.

A proposta que debaterá o pleno limita a posibilidade de construir aparcadoiros a determinadas zonas verdes. Exclúense especificamente as seguintes:
- Parque de Castrelos
- O Castro
- A Guía
- A Riouxa
- Monte da Serra-Castrelos
- Finca de S. Roque
- Paseo da Avda. Castelao
- Avda. de Europa
- Paseo liñal do Lagares
- Samil
- O Vao
- Toralla
- Litoral de Alcabre
- Cabo Estai
- Alameda de Compostela (entre García Olloqui e Concepción Arenal)
- Alameda Suárez Llanos (Bouzas)
- Alameda Eduardo Cabello (Bouzas)