Vigo conta con 1.213 voluntarios, un 20 por cento máis que o ano pasado

Abel Caballero eloxiu hoxe a solidariedade e compromiso dos 1.213 voluntarios que cooperan co Concello de xeito altruísta, traballando en favor de toda a cidade. Durante a visita as dúas carpas situadas en Príncipe con motivo da celebración do Día Mundial do Voluntariado, o alcalde lembrou que o Concello ten un Programa Municipal, "moderno e de gran aceptación" no que se implican distintos servizos municipais e para o que se ofrece unha formación previa a todos interesados.

Logo de resaltar que o número de voluntarios se incrementou nun 20% respecto do ano pasado, detallou algunhas das funcións que desenvolven: a formación, acompañamento, apoio en distintos eventos, coñecemento da cidade, fomento da lectura, entre outros.