A Policía Local imparte clases de educación vial para persoas con discapacidade
O alcalde de Vigo achegouse hoxe martes a un grupo de mozos de Aspanaex que participaban nun curso de educación vial promovido pola Policía Local no cruce de Venezuela e Blein Budiño. Logo de acompañalos durante un tramo do seu percorrido pola cidade, Caballero enfatizou a necesidade de lembrar a necesidade de cruzar "con seguridade".
Abel Caballero compartiu hoxe martes un tramo de percorrido que fixeron un grupo de mozos e mozas de Aspanaex que participaron nun curso de Educación Vial promovido pola Policía Local. Durante o encontro que mantiveron entre a esquina de Venezuela e Blein Budiño , Caballero trasladoulle aos participantes a importancia de cruzar "con seguridade" porque evitar accidentes "é responsabilidade de todos".
O obxectivio deste programa é reforzar os coñecementos relacionados coa seguridade persoal e vial, co fin de mellorar a autonomía e a autoestima de persoas que sofren algún tipo de discapacidade. Trátase de impartir contidos eminentemente prácticos e adaptados ás necesidades de cada alumno. Segundo explicou, a Policía Local está a desenvolver esta formación en todos os estratos de poboación e, sobre todo, entre os máis mozos ao impartirse en institutos e centros escolares.
Descargar todas as imaxes
O obxectivio deste programa é reforzar os coñecementos relacionados coa seguridade persoal e vial, co fin de mellorar a autonomía e a autoestima de persoas que sofren algún tipo de discapacidade. Trátase de impartir contidos eminentemente prácticos e adaptados ás necesidades de cada alumno. Segundo explicou, a Policía Local está a desenvolver esta formación en todos os estratos de poboación e, sobre todo, entre os máis mozos ao impartirse en institutos e centros escolares.