Xabier Alonso anima a presenciar o mércores o Cidade de Vigo de fútbol sala entre Coruxo e Lobelle
O concelleiro de Deportes, Xabier Alonso, fixo este luns un chamamento a presenciar o Trofeo Cidade de Vigo de Fútbol Sala, que se celebrará este mércores ás 21 horas entre F.C. Coruxo e o Lobelle Santiago na pista central do polideportivo de As Travesas. Avanzou que ás 18 horas, na coñecida como "pista vermella" deste polideportivo, terá lugar un campus de fútbol sala gratuito, destinado a fomentar a práctica deste deporte entre os rapaces.
"Ter no Cidade de Vigo un equipo da cidade e un referente en todo o Estado son garantes de que poderemos gozar dun espectáculo deportivo para os amantes do fútbol sala", afirmou Xabier Alonso. Segundo salientou o nacionalista, neste torneo combinarase o deporte de calidade e o fomento do deporte de base.
O vicepresidente do Coruxo, Pachi Comesaña, agradeceu expresamente o apoio da Concellería de Deportes na organización do Trofeo Cidade de Vigo e ao fútbol sala. Respecto á situación do equipo, asegurou que se ten apostado por un "salto de calidade" co novo adestrador "co obxectivo de non pasar apuros este ano".
En representación do Lobelle, Miguel Fernández, destacou que a participación do club santiagués no torneo é un xeito de "agradecer á cidade de Vigo o seu apoio na Supercopa de Europa", celebrada no pasado mes de xaneiro. Destacou a "boa relación" co Coruxo e asegurou que teñen en común a súa aposta pola base. Neste sentido lembrou que o Lobelle ten un xogador de Vigo que chegou ao club con 16 anos e "agora é internacional absoluto" e que participará no campus do vindeiro mércores. "Esperamos dar un bo espectáculo e que sexa un partido vibrante", rematou.
Descargar todas as imaxes
O vicepresidente do Coruxo, Pachi Comesaña, agradeceu expresamente o apoio da Concellería de Deportes na organización do Trofeo Cidade de Vigo e ao fútbol sala. Respecto á situación do equipo, asegurou que se ten apostado por un "salto de calidade" co novo adestrador "co obxectivo de non pasar apuros este ano".
En representación do Lobelle, Miguel Fernández, destacou que a participación do club santiagués no torneo é un xeito de "agradecer á cidade de Vigo o seu apoio na Supercopa de Europa", celebrada no pasado mes de xaneiro. Destacou a "boa relación" co Coruxo e asegurou que teñen en común a súa aposta pola base. Neste sentido lembrou que o Lobelle ten un xogador de Vigo que chegou ao club con 16 anos e "agora é internacional absoluto" e que participará no campus do vindeiro mércores. "Esperamos dar un bo espectáculo e que sexa un partido vibrante", rematou.