O MARCO prepara as súas vindeiras inauguracións e adianta a súa programación para o ano 2010
Entre finais deste mes de xaneiro e principios de febreiro, o MARCO inaugura as dúas primeiras exposicións do ano 2010 –a colectiva ‘Cousas que só un artista pode facer’ no primeiro andar, á que seguirá o proxecto de Jose Dávila no Espazo Anexo– coas que arranca a programación dos vindeiros doce meses.
Neste ano 2010, o Museo de Arte Contemporánea de Vigo continuará afianzando a nova liña de exposicións individuais iniciada en 2009, que se combina con outros proxectos colectivos. Unha vez clausurada a individual de Jorge Barbi na planta baixa a mediados de febreiro, a mostra viaxará a Lisboa, onde se exhibirá na Fundação Calouste Gulbenkian do 6 de maio ao 6 de xullo de 2010. Precisamente esta itinerancia e proxección exterior, froito do esforzo de coprodución con outras entidades e museos ao longo destes anos, e do recoñecemento do labor desenvolvido e da calidade das iniciativas postas en marcha dende o MARCO, é unha das características da programación expositiva do museo nos vindeiros meses. Entre 2010 e principios de 2011, varias exposicións de produción propia poderán verse tamén en cidades como Lisboa, Metz, Badaxoz ou Madrid, entre as que cabe destacar a presenza de dous artistas galegos como Jorge Barbi e Virxilio Vieitez en Lisboa (Fundação Calouste Gulbenkian) e Madrid (Fundación Telefónica), respectivamente.
A programación comeza cunha mostra colectiva comisariada por David Arlandis e Javier Marroquí, e coproducida co MEIAC de Badaxoz. Baixo o título ‘Cousas que só un artista pode facer’, este proxecto é resultado dunha investigación que estuda a presenza do humor na arte actual, e que fixa a súa atención na aparición de certas actitudes artísticas nas que o humor se manifesta dun xeito próximo ao absurdo. A exposición presenta traballos de artistas que poñen o seu empeño en proxectos que supoñen un grande esforzo, moitas veces desmedido e irracional en relación cos resultados que se pretende obter, e que mostran ese interese da arte actual por utilizar o humor como vehículo de expresión.
No que respecta a exposicións individuais, a mostra de Jorge Barbi na planta baixa deixará paso, a finais de febreiro, á fotógrafa alemá Candida Höfer, unha das máis importantes representantes da Escola de Düsseldorf, no que será a primeira retrospectiva en España desta artista. A exposición reúne unha coidada selección dos seus traballos dos últimos corenta anos, nunha montaxe realizada polo prestixioso estudio de arquitectura Kuehn Malvezzi. Baixo o título ‘Projects: Done’ inclúense obras de proxectos levados a cabo por Candida Höfer entre 1968 e 2008. O termo ‘Project’ enténdese aquí como forma de traballo que se desenvolve durante un período de tempo previamente establecido, e/ou que é completado –['Done']– unha vez conseguido o obxectivo formulado. Así, as obras seleccionadas ofrecen este trazo distintivo respecto a outros traballos que poderiamos definir como actividade artística regular. Tras a presentación en Vigo, esta exposición, que xa se viu no Museum Morsbroich de Leverkusen, visitará o CAAC, Centro Andaluz de Arte Contemporáneo de Sevilla, para rematar o seu percorrido no Belvedere de Viena.
No mes de maio preséntase a proposta gañadora da última convocatoria do Premio para novos comisarios, que nesta edición foi convocado conxuntamente polo MARCO de Vigo e o FRAC Lorraine de Metz, Francia, e que ten como obxecto a realización dun proxecto expositivo para ambas as dúas sedes. Entrelazando os estudios antropolóxicos sobre a relixión da obra de Mircea Eliade El mito del eterno retorno (1956) e o libro de James Frazer La rama dorada. Un estudio sobre magia y religión (1922), o comisario Inti Guerrero reúne obras de artistas que tratan sobre a idea do ritual e da relixión en diferentes contextos, relacionados coa política, a memoria colectiva e a cultura popular, nunha mostra colectiva que leva por título ‘Cando a póla rompe’.
A partir do mes de xuño, unha nova colectiva ocupará os espazos da planta baixa do MARCO durante todo o período estival. Obras da colección do Centro Galego de Arte Contemporánea (Santiago de Compostela) trasládanse a Vigo, nunha selección comisariada por Virginia Torrente. Os fondos da Colección CGAC, unidos aos pertencentes á Fundación ARCO e outros depósitos, fan dela unha das máis interesantes de todo o territorio peninsular. A Colección do CGAC, que na actualidade conta con máis dun milleiro de obras, é reflexo das actividades e programación do Centro dende a súa data de apertura, e nela están representados artistas de diversos contextos, linguaxes e soportes, que reflicten os momentos máis significativos do panorama artístico internacional, ademais de pezas relevantes de artistas galegos. Os seus fondos non se exhibiron nunca en Vigo, polo que a exposición permitirá un novidoso achegamento á colección, e unha maior difusión e visibilidade desta.
Entrando na tempada de outono, unha coprodución coa Fundação Calouste Gulbenkian de Lisboa traerá ao MARCO a obra de Vasco Araújo e Javier Téllez. Ademais de pertencer á mesma xeración, ambos os dous artistas teñen en común certos aspectos que permiten un frutífero diálogo, como a presenza dunha dimensión psicolóxico-psiquiátrica, que pon o acento no estraño, no incómodo, naquilo que moitas veces non se quere ver ou non se está disposto a afrontar. A exposición ‘Máis que a vida’, comisariada por Isabel Carlos, mostrará unha revisión dos seus traballos, ademais de obras creadas especificamente para esta ocasión.
O ano 2010 conclúe con outra grande individual na planta baixa. Dous anos despois da morte de Virxilio Vieitez (Soutelo de Montes, Pontevedra, 1930-2008), no mes de outubro inaugúrase no MARCO a esperada retrospectiva deste xenio da fotografía que, ao igual que outros grandes fotógrafos, revolucionou para sempre o modo de captar e percibir a realidade. A existencia dun importante arquivo familiar que garda a totalidade da súa produción, fará posible unha investigación a fondo. Ademais dos traballos máis coñecidos de Vieitez, presentaranse obras inéditas, como fotografías en cor e vintage, nunha selección comisariada pola italiana Enrica Viganò, especialista en fotografía histórica. Coproducida coa Fundación Telefónica, a exposición poderá verse despois nas renovadas salas desta institución en Madrid, para viaxar máis tarde a outras cidades.
O Espazo Anexo tamén experimenta cambios na súa programación neste 2010. O artista mexicano Jose Dávila pechará, entre os meses de febreiro e maio, o ciclo ‘Puntos de encontro/Meeting Points’ un proxecto comisariado por Agar Ledo Arias, responsable de exposicións do MARCO, no que cinco artistas estableceron un diálogo entre o espazo de exhibición e o seu contexto máis inmediato. Ao longo de todo 2009 e principios de 2010, Pedro Barateiro, Manuel Eirís, Carlos Bunga, Nicolás Combarro e Jose Dávila converteron o Anexo no lugar das conclusións ou da formalización das experiencias, fronte á consideración do museo como lugar de exposición do obxecto. Proximamente, un catálogo editado polo MARCO recollerá estes cinco proxectos, todos eles intimamente relacionados coa cidade de Vigo.
A partir dese momento, ábrese no Espazo Anexo un novo período cunha proposta que fai honra ao carácter experimental deste espazo como sala de proxectos. O proxecto ‘Hotel’, que consiste en transformar o lugar nun cuarto de hotel con distintos usos, é unha proposta do artista Michael Lin e RVR Arquitectos. A idea do proxecto xorde da oportunidade de reformar un espazo xa existente, dotándoo de novos usos, e cun sentido práctico, como apartamento no que poder invitar comisarios, artistas e investigadores dentro dun programa de residencias. Tamén se considera a posibilidade de que o público en xeral poida, en función da dispoñibilidade do espazo, visitalo ou utilizalo como cuarto de hotel propiamente dito, tendo a oportunidade de aloxarse nun espazo museístico concibido como proxecto artístico.
Outra das liñas do MARCO para 2010 ten que ver co convite a artistas para levar a cabo proxectos específicos en lugares do edificio habitualmente non destinados a exposicións, como vestíbulo, zonas de tránsito, áreas de traballo, etc. Nalgúns casos as propostas estarán ligadas a talleres de artista nos que se tratarán aspectos relacionados co espazo. Esta nova liña de programación inaugurarase cunha proposta da artista viguesa Almudena Fernández Fariña.
A programación comeza cunha mostra colectiva comisariada por David Arlandis e Javier Marroquí, e coproducida co MEIAC de Badaxoz. Baixo o título ‘Cousas que só un artista pode facer’, este proxecto é resultado dunha investigación que estuda a presenza do humor na arte actual, e que fixa a súa atención na aparición de certas actitudes artísticas nas que o humor se manifesta dun xeito próximo ao absurdo. A exposición presenta traballos de artistas que poñen o seu empeño en proxectos que supoñen un grande esforzo, moitas veces desmedido e irracional en relación cos resultados que se pretende obter, e que mostran ese interese da arte actual por utilizar o humor como vehículo de expresión.
No que respecta a exposicións individuais, a mostra de Jorge Barbi na planta baixa deixará paso, a finais de febreiro, á fotógrafa alemá Candida Höfer, unha das máis importantes representantes da Escola de Düsseldorf, no que será a primeira retrospectiva en España desta artista. A exposición reúne unha coidada selección dos seus traballos dos últimos corenta anos, nunha montaxe realizada polo prestixioso estudio de arquitectura Kuehn Malvezzi. Baixo o título ‘Projects: Done’ inclúense obras de proxectos levados a cabo por Candida Höfer entre 1968 e 2008. O termo ‘Project’ enténdese aquí como forma de traballo que se desenvolve durante un período de tempo previamente establecido, e/ou que é completado –['Done']– unha vez conseguido o obxectivo formulado. Así, as obras seleccionadas ofrecen este trazo distintivo respecto a outros traballos que poderiamos definir como actividade artística regular. Tras a presentación en Vigo, esta exposición, que xa se viu no Museum Morsbroich de Leverkusen, visitará o CAAC, Centro Andaluz de Arte Contemporáneo de Sevilla, para rematar o seu percorrido no Belvedere de Viena.
No mes de maio preséntase a proposta gañadora da última convocatoria do Premio para novos comisarios, que nesta edición foi convocado conxuntamente polo MARCO de Vigo e o FRAC Lorraine de Metz, Francia, e que ten como obxecto a realización dun proxecto expositivo para ambas as dúas sedes. Entrelazando os estudios antropolóxicos sobre a relixión da obra de Mircea Eliade El mito del eterno retorno (1956) e o libro de James Frazer La rama dorada. Un estudio sobre magia y religión (1922), o comisario Inti Guerrero reúne obras de artistas que tratan sobre a idea do ritual e da relixión en diferentes contextos, relacionados coa política, a memoria colectiva e a cultura popular, nunha mostra colectiva que leva por título ‘Cando a póla rompe’.
A partir do mes de xuño, unha nova colectiva ocupará os espazos da planta baixa do MARCO durante todo o período estival. Obras da colección do Centro Galego de Arte Contemporánea (Santiago de Compostela) trasládanse a Vigo, nunha selección comisariada por Virginia Torrente. Os fondos da Colección CGAC, unidos aos pertencentes á Fundación ARCO e outros depósitos, fan dela unha das máis interesantes de todo o territorio peninsular. A Colección do CGAC, que na actualidade conta con máis dun milleiro de obras, é reflexo das actividades e programación do Centro dende a súa data de apertura, e nela están representados artistas de diversos contextos, linguaxes e soportes, que reflicten os momentos máis significativos do panorama artístico internacional, ademais de pezas relevantes de artistas galegos. Os seus fondos non se exhibiron nunca en Vigo, polo que a exposición permitirá un novidoso achegamento á colección, e unha maior difusión e visibilidade desta.
Entrando na tempada de outono, unha coprodución coa Fundação Calouste Gulbenkian de Lisboa traerá ao MARCO a obra de Vasco Araújo e Javier Téllez. Ademais de pertencer á mesma xeración, ambos os dous artistas teñen en común certos aspectos que permiten un frutífero diálogo, como a presenza dunha dimensión psicolóxico-psiquiátrica, que pon o acento no estraño, no incómodo, naquilo que moitas veces non se quere ver ou non se está disposto a afrontar. A exposición ‘Máis que a vida’, comisariada por Isabel Carlos, mostrará unha revisión dos seus traballos, ademais de obras creadas especificamente para esta ocasión.
O ano 2010 conclúe con outra grande individual na planta baixa. Dous anos despois da morte de Virxilio Vieitez (Soutelo de Montes, Pontevedra, 1930-2008), no mes de outubro inaugúrase no MARCO a esperada retrospectiva deste xenio da fotografía que, ao igual que outros grandes fotógrafos, revolucionou para sempre o modo de captar e percibir a realidade. A existencia dun importante arquivo familiar que garda a totalidade da súa produción, fará posible unha investigación a fondo. Ademais dos traballos máis coñecidos de Vieitez, presentaranse obras inéditas, como fotografías en cor e vintage, nunha selección comisariada pola italiana Enrica Viganò, especialista en fotografía histórica. Coproducida coa Fundación Telefónica, a exposición poderá verse despois nas renovadas salas desta institución en Madrid, para viaxar máis tarde a outras cidades.
O Espazo Anexo tamén experimenta cambios na súa programación neste 2010. O artista mexicano Jose Dávila pechará, entre os meses de febreiro e maio, o ciclo ‘Puntos de encontro/Meeting Points’ un proxecto comisariado por Agar Ledo Arias, responsable de exposicións do MARCO, no que cinco artistas estableceron un diálogo entre o espazo de exhibición e o seu contexto máis inmediato. Ao longo de todo 2009 e principios de 2010, Pedro Barateiro, Manuel Eirís, Carlos Bunga, Nicolás Combarro e Jose Dávila converteron o Anexo no lugar das conclusións ou da formalización das experiencias, fronte á consideración do museo como lugar de exposición do obxecto. Proximamente, un catálogo editado polo MARCO recollerá estes cinco proxectos, todos eles intimamente relacionados coa cidade de Vigo.
A partir dese momento, ábrese no Espazo Anexo un novo período cunha proposta que fai honra ao carácter experimental deste espazo como sala de proxectos. O proxecto ‘Hotel’, que consiste en transformar o lugar nun cuarto de hotel con distintos usos, é unha proposta do artista Michael Lin e RVR Arquitectos. A idea do proxecto xorde da oportunidade de reformar un espazo xa existente, dotándoo de novos usos, e cun sentido práctico, como apartamento no que poder invitar comisarios, artistas e investigadores dentro dun programa de residencias. Tamén se considera a posibilidade de que o público en xeral poida, en función da dispoñibilidade do espazo, visitalo ou utilizalo como cuarto de hotel propiamente dito, tendo a oportunidade de aloxarse nun espazo museístico concibido como proxecto artístico.
Outra das liñas do MARCO para 2010 ten que ver co convite a artistas para levar a cabo proxectos específicos en lugares do edificio habitualmente non destinados a exposicións, como vestíbulo, zonas de tránsito, áreas de traballo, etc. Nalgúns casos as propostas estarán ligadas a talleres de artista nos que se tratarán aspectos relacionados co espazo. Esta nova liña de programación inaugurarase cunha proposta da artista viguesa Almudena Fernández Fariña.
