O mural de peche das pistas de atletismo, obra dos grafiteros Sax e Anthony
O tenente de alcalde, Santi Domínguez, salientou este xoves que o mural de peche das pistas de atletismo de Balaídos amosa o talento artístico da mocidade viguesa. Tras visitar o mural da instalación deportiva, Santi Domínguez afirmou que a decoración do muro foi realizada por dous grafitereiros "moi coñecidos na cidade", como son Sax e Anthony, e que dende a Tenencia de Alcaldía e as concellerías de Xuventude e Deportes se está traballando para "poñer a súa disposición" outros espazos públicos nos que poidan expresar o seu talento.
"Necesitabamos remodelar a fachada das pistas e tendo na cidade xente nova cun gran talento artístico, decidimos unir os dous factores nun so espazo", explicou o nacionalista. Santi Domínguez sinalou que se trata dunha iniciativa "novidosa" que propuxeron a concelleira de Xuventude, Iolanda Veloso, e o edil de Deportes, Xabier Alonso, tamén presentes na visita, así como a concelleira de Benestar Social, María Méndez, e representantes do atletismo vigués. "Esta iniciativa demostra o ben que se poden aproveitar os recursos que temos", asegurou.
O tenente de alcalde afirmou tamén que é preciso "poñer en valor a xuventude da cidade", polo que manifestou o seu obxectivo de seguir traballando para buscar espazos nos que poidan amosar as súas dotes artísticas. Neste sentido, diferenciou os grafiteiros, que ao seu xuízo practican unha disciplina artística como se pode comprobar no muro, e os que se dedican a "facer pintadas".
Descargar todas as imaxes
O tenente de alcalde afirmou tamén que é preciso "poñer en valor a xuventude da cidade", polo que manifestou o seu obxectivo de seguir traballando para buscar espazos nos que poidan amosar as súas dotes artísticas. Neste sentido, diferenciou os grafiteiros, que ao seu xuízo practican unha disciplina artística como se pode comprobar no muro, e os que se dedican a "facer pintadas".