O vindeiro luns ábrese o prazo de inscrición do programa "Verán Xove 2009", que oferta 1.700 prazas
A concelleira de Xuventude, Iolanda Veloso, anunciou hoxe que o vindeiro luns ábrese o prazo de inscrición para o programa "Verán Xove 2009", que este ano oferta un total de 1.700 prazas para rapaces e rapazas de 4 a 15 anos. A edil subliñou que esta proposta volve a incrementar o número de prazas, debido a que se trata dun programa "moi agardado e demandado por nais e pais porque é unha alternativa de lecer para o verán".
Iolanda Veloso sinalou que o interese que desperta esta proposta tanto por parte dos mozos e mozas, como polas nais e pais é porque "ademais de oferta de lecer favorece a conciliación da vida laboral e familiar". Segundo dixo, nesta época do ano, no que chegan as vacacións escolares, faise necesario o apoio dende as administración.
Ás 1.700 prazas do "Verán Xove 2009" hai que engadir tamén as prazas para os rapaces e rapazas que poden participar nas actividades de Súbete ao Castro e os Castroconcertos, dirixidas a mozos e mozas de máis de 14 anos. As actividades programadas desenvolveranse nos meses de xuño, xullo e agosto e engloban as propostas das ludotecas e os campamentos. En canto aos campamentos urbanos, Iolanda Veloso sinalou que terán lugar en catro zonas da cidade, como son Samil, Bouzas, As Travesas e Lavadores e se celebrarán en quendas de quince días. O seu horario será de 9 a 14 horas pero con aula matinal de 8 a 9 horas e de recollida dos nenos de 14 a 15 horas, agás o de Lavadores, co obxectivo de "facilitar a coincidencia co horario de traballo das nais e pais".
"Aínda que nos centramos nas iniciativas que se desenvolven en Vigo, tamén queremos ofrecer actividades fóra da cidade", indicou a edil do BNG. Así, sinalou que este ano terá lugar un campamento náutico no concello lugués de Taboada cunha quenda en xullo e outra en agosto. "Tratamos de que cada ano sexa máis completa a programación", sinalou. Desta forma, segundo explicou Iolanda Veloso "as actividades da Concellería de Xuventude compleméntanse coas iniciativas deportivas organizadas pola Fundación Vide ou coas propostas da Casa das Palabras".
A concelleira de Xuventude indicou que o prazo de inscrición será do 1 ao 10 de xuño na Casa da Xuventude no caso das actividades organizadas por esta concellería, "aínda que a experiencia demostra que nos primeiros días xa están todas as prazas cubertas". O horario para facer a inscrición é de 10 a 13.30 horas de luns a venres e de 17 a 19.30 de luns a xoves e é preciso presentar a ficha de inscrición, a fotocopia do DNI do rapaz ou rapaza (no caso de telo), e do nai ou pai, ou titor ou titora, unha foto tamaño carné e a fotocopia da tarxeta sanitaria.
A programación completa do Verán Xove 2009 e os requerimentos para facer a inscrición poden consultarse tamén na web da Concellería de Xuventude www.xuventudevigo.org.
Descargar todas as imaxes
Ás 1.700 prazas do "Verán Xove 2009" hai que engadir tamén as prazas para os rapaces e rapazas que poden participar nas actividades de Súbete ao Castro e os Castroconcertos, dirixidas a mozos e mozas de máis de 14 anos. As actividades programadas desenvolveranse nos meses de xuño, xullo e agosto e engloban as propostas das ludotecas e os campamentos. En canto aos campamentos urbanos, Iolanda Veloso sinalou que terán lugar en catro zonas da cidade, como son Samil, Bouzas, As Travesas e Lavadores e se celebrarán en quendas de quince días. O seu horario será de 9 a 14 horas pero con aula matinal de 8 a 9 horas e de recollida dos nenos de 14 a 15 horas, agás o de Lavadores, co obxectivo de "facilitar a coincidencia co horario de traballo das nais e pais".
"Aínda que nos centramos nas iniciativas que se desenvolven en Vigo, tamén queremos ofrecer actividades fóra da cidade", indicou a edil do BNG. Así, sinalou que este ano terá lugar un campamento náutico no concello lugués de Taboada cunha quenda en xullo e outra en agosto. "Tratamos de que cada ano sexa máis completa a programación", sinalou. Desta forma, segundo explicou Iolanda Veloso "as actividades da Concellería de Xuventude compleméntanse coas iniciativas deportivas organizadas pola Fundación Vide ou coas propostas da Casa das Palabras".
A concelleira de Xuventude indicou que o prazo de inscrición será do 1 ao 10 de xuño na Casa da Xuventude no caso das actividades organizadas por esta concellería, "aínda que a experiencia demostra que nos primeiros días xa están todas as prazas cubertas". O horario para facer a inscrición é de 10 a 13.30 horas de luns a venres e de 17 a 19.30 de luns a xoves e é preciso presentar a ficha de inscrición, a fotocopia do DNI do rapaz ou rapaza (no caso de telo), e do nai ou pai, ou titor ou titora, unha foto tamaño carné e a fotocopia da tarxeta sanitaria.
A programación completa do Verán Xove 2009 e os requerimentos para facer a inscrición poden consultarse tamén na web da Concellería de Xuventude www.xuventudevigo.org.