Domingo Villar permanecerá “para sempre” na memoria da cidadanía viguesa polas súas creacións literarias e coa escultura que o representa lendo sentado nun banco da Alameda de Vigo. “Domingo era Vigo, non só era de Vigo, era Vigo”, asegurou Abel Caballero.
O funcionamento do HALO está a ser un “éxito excepcional” tal e como demostran os máis de 4,3 millóns de usuarios rexistrados desde a súa inauguración, o 16 de febreiro do ano pasado. Nestes momentos, estanse a revisar os vidros abatibles da pasarela dentro do protocolo de mantemento da instalación.
O goberno municipal mantén operativo o dispositivo de frío para facilitar unha praza de pernocta ás persoas sen recursos ante o descenso das temperaturas por baixo de oito graos e a activación de alertas laranxa ou vermella.
Abel Caballero destacou hoxe, no acto conmemorativo do 75 cabodano de Alfonso Daniel Rodríguez Castelao organizado polo IES que leva o nome do intelectual galeguista, que “en Vigo celebraremos con entusiasmo o ano de Castelao” a través dun programa que contempla numerosas actividades para lembrar a súa figura e a súa obra.