Abel Caballero ofreceu este luns as liñas básicas do novo Plan Xeral de Ordenación Municipal (PXOM) para iniciar “o debate en detalle” que conclúa coa súa aprobación no horizonte de 2023. O Documento Inicial Estratéxico e o Borrador xa foi remitido á Xunta para iniciar a tramitación administrativa.
Abel Caballero e David Regades fixeron efectiva este luns ante notario a venda dos inmobles de Areal 46 e Oporto 1, que pasan a ser propiedade e futura sede da Zona Franca de Vigo por 3,48 e 2,12 millóns, respectivamente. “Somos financeiramente máis fortes que antes e é un bo momento para selo porque veñen tempos difíciles”, manifestou o alcalde.
Abel Caballero avanzou que a primeira reunión terá lugar esta semana co obxectivo de lograr un consello “do máximo nivel” nun proxecto de recuperación “ordenado, apoiado e buscando a interlocución de tódolos ámbitos” porque “por forza temos ir xuntos na saída da crise”.
Na xornada de hoxe xa comezaron algunhas obras públicas da cidade como o pavillón de Quirós ou a Estrada Porto, aínda que a meirande parte destes traballos de construción municipal arrancará mañá martes, coa reactivación de Gran Vía, Porta do Sol ou Ronda don Bosco.
O alcalde explicou que, desde hoxe e xunto coa Policía Nacional, entregarán 15.000 máscaras enviadas polo Goberno de España no transporte urbano, estacións de trens e autobús e nas entradas dalgúns centros de traballo da cidade.