xoves, 11 xuño 2009

Santi Domínguez inaugura o primeiro Centro Municipal de Servizos Sociais, que atenderá a 75.000 persoas

xoves, 11 xuñ 2009

O tenente de alcalde, Santi Domínguez, e a concelleira de Benestar Social, María Méndez, inauguraron este xoves en Coia o primeiro Centro Municipal de Servizos Sociais construido nun distrito da cidade. Este novo centro, que atenderá unha poboación de 75.000 persoas, aglutina as unidades básicas de atención social de Coia, Castrelos, Navia e Litoral, cumprindo así o obxectivo subliñado polo tenente de alcalde de "descentralizar os servizos municipais, achegándoos á cidadanía".

Clases maxistrais de Fred Frith e Nils Wogram

xoves, 11 xuñ 2009

O Festival de Jazz de Vigo "Imaxina Sons" programa cada ano clases maxistrais que, por un lado, contribúen á experiencia formativa de músicos e afeccionados e, por outro, supoñen un excepcional achegamento entre artistas de sólida traxectoria con aquelas persoas que desexan afondar nos segredos do jazz e da improvisación. Na quinta edición do Festival de Jazz de Vigo Imaxina Sons as clases maxistrais serán impartidas por Fred Frith, o martes 30 de xuño, e polo trombonista Nils Wogram, o sábado 4 de xullo. A inscrición nestas sesións, que se desenvolverán no Conservatorio Superior de Música de Vigo de 11h a 13.30h, é gratuíta e podes facela premendo aquí http://www.imaxinasons.com/gl/inscricion