A alcaldesa, Corina Porro, e o reitor, Domingo Docampo asinaron o convenio polo que a Universidade comprométese á entrega e disposición do Concello dos edificios que compoñen a actual sede do reitorado antes do 1 de marzo de 2006. O edificio albergará as dependencias da alcaldía e oficinas de Deputación Provincial e da Mancomunidade.
Os turistas sitúan o seu grao de satisfacción coa comarca de Vigo nun 8,5 sobre 10, segundo revela unha enquisa realizada nos meses de agosto e setembro para o Padroado de Turismo "Rías Baixas".
A alcaldesa, Corina Porro e a conselleira de Cultura e Deportes, Anxela Bugallo asinaron un protocolo de intencións para a musealización e posta en valor dos restos arqueolóxicos atopados no solar número 41 da rúa Marques de Valladares.
Do 28 de decembro ao 1 de xaneiro o IFEVI acollerá as actividades de Vigolandia 2006, destinadas aos mais cativos e centradas no deporte, a cultura e a integración.
O Verbum-Casa das Palabras organiza unha programación para nenos e adultos baseada nas palabras e na maxia para celebrar o día dos Santos Inocentes.