O Consello da Xerencia Municipal de Urbanismo solicitoulle hoxe xoves á súa presidenta, Corina Porro, que informe na súa próxima reunión, o xoves 5 de xaneiro, da proposta do Goberno local sobre a entrada norte do AVE.
A cidade conta dende o xoves con 12 novos autobuses de transporte colectivo que pasarán a formar parte da actual flota de Vitrasa integrada por 116 vehículos.Os novos autobuses presentaron nun acto ao que asistiu a alcaldesa Corina Porro.
O venres, día 30, estarán a disposición do público as invitacións para asistir ao XXV concurso de Rondallas que terá lugar o día 1 de xaneiro ás 18 horas nas instalacións do IMD.O acceso é limitado ao foro das instalacións polo que é imprescindible entrar con invitación que se poderán recoller o venres, día 30, de 10.00 horas e de 16.00 a 21 horas no despacho de billetes do IMD.
A man inocente de Araceli, unha nena de nove anos, escolleu hoxe xoves na Casa do Concello as papeletas dos 36 afortunados nenos e nenas que acompañarán os reis magos nas súas carrozas durante a tradicional cabalgata que se celebra o 5 de xaneiro.