Alumnos, ex alumnos, profesores e distintas personalidades entre elas a alcaldesa de Vigo, Corina Porro, celebrarán o vindeiro xoves un festival de fin de curso que servirá tamén para conmemorar o 25 aniversario da escola.
A concelleira de Muller, Lucía Molares, participa en Florencia nun encontro internacional cos socios do proxecto transnacional URB-AL "Centros Locais da cidadanía activa das mulleres", que se celebrará os días 30 de xuño e 1 de xullo.
Marta Iglesias, concelleira de Participación Cidadá, manterá unha reunión cun representante das asociacións culturais de Vigo para atender as posibles dúbidas sobre as bases de subvención para o fomento da participación cidadá e o desenvolvemento comunitario.
O concelleiro de Cultura, Ignacio López Chaves, asiste á inauguración da exposición "Falando da Estampa. Unha colección de obra gráfica internacional", que se poderá visitar do 30 de xuño ao 4 de setembro na sala da Fundación Caixa Galicia. A exposición é unha escolma de pezas de altísima calidade dunha das pinacotecas privadas máis importantes de gravado contemporáneo, a de José María Cabra de Luna.