Os vendedores ambulantes poderán ocupar os 106 postos que se habilitarán na explanada anexa á caseta da Cruz Vermella. Ditos postos, de 3 x 1,5 metros, cubrirán as necesidades dos vendedores vigueses.
A concelleira de Benestar Social, Marta Iglesias, xunto con representantes de 63 entidades galegas asinaron hoxe martes en Santiago un convenio coa consellería de Sanidade en materia de prevención e tratamento de drogodependencias cun investimento dispoñible de 10.108.627 euros.
O Concello entregaralle unha subvención de 36.000 euros á Fundación Provigo para o financiamento do programa do Instituto de Estudos Vigueses para 2005, segundo o convenio asinado polo concelleiro de Asuntos Sociais, Ignacio López-Chaves.