O xerente de Urbanismo respondeu ao BNG acerca da solicitude de instalación dunha estación náutica en Bouzas explicando que o Plan carece de ordenanza para esta zona. O solicitante debería ademais obter as licencias municipais de actividades e de obra sen que esto supuxese unha autorización para a edificación nin para o uso do solo.
A concelleira da Muller, Lucía Molares e o vicerreitor de relacións Institucionais da Universidade de Vigo, Xabier Martínez Cobas asinaron un convenio polo que se acorda establecer un programa para a realización de prácticas profesionais das persoas que cursan o "Máster en educación en igualdade de xénero e políticas de igualdade".
O primeiro Festival Internacional de Vigo "Imaxina Sons", que se desenvolverá do 16 de xuño ao 2 de xullo, nace coa vocación de consolidarse ata converterse nun referente a nivel europeo. O evento, que traerá á nosa cidade a algunhas das figuras máis destacadas do jazz do vello continente, conta cun orzamento de 300.000 euros.
Coa finalidade de ampliar as prestacións a cidadanía no Centro Cívico de Teis a concellería de Participación Cidadá en colaboración coa concellería de Desenvolvemento Local e Emprego, ten instalado un "Punto de Información Multimedia (PIM) de emprego".