As votacións repetíronse en ambos organismos resultando aprobado o punto único da sesión grazas aos votos a prol do PP e as abstencións de PSOE e BNG. O PG decidiu votar en contra ao non estar de acordo coas indemnizacións.
Máis de 3.000 escolares dos centros de ensino de Vigo participaron na 8º etapa da presente edición do Correlingua, baixo o lema "Galego: un bico na lingua". A alcaldesa, Corina Porro, animou os cativos antes da saída da carreira para "que dos vosos labios xurdan palabras que falen de nós".
O concelleiro de Cultura, Ignacio López Chaves, presentou a programación do primeiro semestre do ano do ciclo de teatro por barrios "Vigo a Escena" que comezará a súa andaina a próximo fin de semana en Teis, Saiáns e o Concello.
A nova exposición da Casa da Xuventude, 4RT3+ X0G0 = M4T3, conta cunha parte expositiva feita con poliedros e outra interactiva para que participen os rapaces e demáis público.