O concelleiro de Tráfico, Seguridade e Transportes, Xulio Calviño, visitou as obras do parking de Urzaiz e afirmou que pretende que a empresa tome medidas de organización visibles para os cidadáns como a limpeza, a mellora do estado do firme ou a colocación de valados que delimiten as zonas de paso.
As prioridades marcadas desde a Concellería de Benestar Social son a ampliación de persoal do servicio de atención primaria e a eliminación das listas de agarda de atención a domicilio. A concelleira Olaia Fernández destacou a valía dos profesionais do departamento e o compromiso do Goberno municipal de chegar neste mandato ao 7% dos orzamentos destinado a políticas de servicios sociais.
O alcalde, Ventura Pérez Mariño, reuniuse con representantes da Cooperativa de armadores e manifestou a súa disposición a traballar polo recoñecemento da pesca na vida económica da cidade.
Unha comisión integrada polo alcalde e os concelleiros de Limpeza, Tráfico e Medio Ambiente comprobaron a limpeza efectuada no túnel de Beiramar que proseguerá cun mantemento semanal.
Baixo a denominación de "O Castro bule de verán", a concelleira de Xuventude, Belen Sío, vén de presenta-la programación especial de actividades para o vindeiro 28 de xuño no programa "Súbete ó Castro", que nesta terceira edición pretende superar os 1.000 asistentes do ano anterior.