Olaia Fernández pretende rematar coas listas de agarda de atención a domicilio
As prioridades marcadas desde a Concellería de Benestar Social son a ampliación de persoal do servicio de atención primaria e a eliminación das listas de agarda de atención a domicilio. A concelleira Olaia Fernández destacou a valía dos profesionais do departamento e o compromiso do Goberno municipal de chegar neste mandato ao 7% dos orzamentos destinado a políticas de servicios sociais.
A concelleira sinalou a necesidade de ampliar o servicio de atención primaria, o máis próximo aos cidadáns, e descentralizar as prestacións desde o Concello para o que se prevé crear unha nova Unidade Básica de Atención Social na zona das Travesas. Pretende ademais ampliar o cadro de persoal dos traballadores sociais en seis profesionais máis, posto que "o ratio de poboación sobre o que actúan é excesivo", estimou.
"Os servicios de atención social foron ampliados nos últimos catro anos pero débese acometer un aumento do horario para eliminar a lista de agarda que supera as 100 persoas en atención a domicilio", indicou. Con esta finalidade, prevese incrementar a partida do convenio coa Cruz Vermella e estúdiase fomentar a creación de emprego a través de cooperativas para favorecer o sector dos servicios sociais.
Outra das prioridades desta concellería será a construcción dun albergue para transeúntes e a solicitude de entrevistas coas responsables das consellerías de Familia e Asuntos Sociais da Xunta de Galicia para que asuman un maior investimento orzamentario no plan concertado cos concellos "atendendo á equidade e evitando un trato discriminatorio baseado nas políticas clientelares", explicou Olaia Fernández.
"Os servicios de atención social foron ampliados nos últimos catro anos pero débese acometer un aumento do horario para eliminar a lista de agarda que supera as 100 persoas en atención a domicilio", indicou. Con esta finalidade, prevese incrementar a partida do convenio coa Cruz Vermella e estúdiase fomentar a creación de emprego a través de cooperativas para favorecer o sector dos servicios sociais.
Outra das prioridades desta concellería será a construcción dun albergue para transeúntes e a solicitude de entrevistas coas responsables das consellerías de Familia e Asuntos Sociais da Xunta de Galicia para que asuman un maior investimento orzamentario no plan concertado cos concellos "atendendo á equidade e evitando un trato discriminatorio baseado nas políticas clientelares", explicou Olaia Fernández.