O alcalde de Vigo, Ventura Pérez Mariño, entrevistouse cos representantes da Confederación de Empresarios de Pontevedra e manifestaron a necesidade de mellorar as infraestructuras para o desenvolvemento da cidade.
O programa "Para Vigo me voy" iníciase o 2 de xullo ás 23:00 no auditorio de Castrelos coa actuación de Caetano Veloso. As entradas pódense adquirir a partir das 11:00 do venres 27 de xuño en Vigo, Santiago, A Coruña, Ourense e Pontevedra.
O alcalde, Ventura Pérez Mariño, recibiu a consulesa de Uruguai nunha visita protocolaria e inaugurou o "I Salón da subcontratación industrial, servicios e subministros: Plataforma 2003" no recinto feiral de Cotogrande.
Hoxe entrou en funcionamento o servicio do bus turístico que pon en marcha a concellería de Turismo e que durará ata o 26 de setembro. O bus realizará catro viaxes ó día comezando o seu primeiro itinerario ás 10.00 h. e rematará o seu último percorrido ás 20:30 h.
O Servicio de axuda a domicilio que presta a Cruz Vermella en colaboración co departamento de Benestar Social celebra na carballeira da Guía unha festa de verán para os seus usuarios con actuacións de música e danza.
O venres, remata o prazo para participar no IV Enxalzamento do Traxe Galego, que se celebrará o sábado na praza do Berbés, organizado pola Concellería de Festas e Animación Sociocultural en colaboración con El Corte Inglés e a Escola Municipal de Danza.