Escoitar

O club deportivo da Policía local participará nos Xogos mundiais de corpos de seguridade

O concelleiro de Tráfico, Seguridade e Transportes, Xulio Calviño, reuniuse cos compoñentes do Club deportivo da Policía local que obtiveron postos destacados nos campionatos de España celebrados en Tarragona.

mércores, 25 xuñ 2003
1056546329policia1.jpg
Reunión co club deportivo da Policía local
Na reunión informaron o concelleiro dos méritos deportivos dos membros da Policía local en ciclismo, atletismo e tiro en canto a premios e postos conseguidos e da importante participación que van ter nos Xogos mundiais dos corpos de seguridade da Policía e Bombeiros que se disputarán do 27 de xullo ao 3 de agosto en Barcelona.

A Concellería de Tráfico, Seguridade e Transportes ofrécelles a máxima colaboración para apoiar esta iniciativa e que poidan asistir ao evento, encadrado nas múltiples actividades deste corpo para que os cidadáns poidan coñecer o labor que desenvolven.

Entre os méritos do corpo de Policía vigués está o segundo posto no Campionato europeo de atletismo 400 metros en pista cuberta e os primeiros postos no campionato de España 200, 400 e 4x100 metros. Obtiveron o primeiro posto no campionato de España recorrido de tiro por equipos en 1999 e en ciclismo os segundos postos de ciclocross, mountain bike e raid de fondo en estrada dos campionatos galegos.
Descargar todas as imaxes