• Xuventude

Despedida das "tardes e noites vivas"

Esta fin de semana, venres 28 e sábado 29, o programa da concellaría de Mocidade "Tardes e Noites Vivas" despide a súa edición de outono 2007. Para elo está previsto un Torneo de espadas de goma-espuma na Asociación Xuvenil Cancerbero. No pavillón do Berbés, ademais das actividades deportivas (musculación, squash e baloncesto "Vigo en xogo"), celebraranse varios obradoiros: un de imaxe persoal que se centrará sobre todo nos complementos, un de candeas e outro de bailes de salón. O pavillón de Coia apostará polos bailes tipo salsa, os xogos de estratexia e enxeño e o fútbol sala.