A Praza do Rei acolle dende o 26 de decembro ás 17.30 horas, e ata o 5 de xaneiro, a carpa máxica do Carteiro Real. Baixo o lema "A aventura de ler", neste recinto desenvolveranse diversos obradoiros diirixidos aos máis pequenos, como actividades de animación, contacontos e ciclobibliotecas, entre outros.
O Auditorio Municipal acolle o día 27 a segunda actuación programada no ciclo de Concertos de Nadal, a cargo das corais polifónicas e as bandas de música. Nesta ocasión actuarán a Coral Polifónica da AVV. CSCR de Beade e a Banda Escola de Música de Beade.
O sábado 29 de decembro, o pavillón das Travesas será o escenario no que se dispute a primeira edición do Torneo Internacional Relámpago de Tiros a Porta de Balonmán, segundo anunciou este mércores o concelleiro de Deportes, Xabier Alonso. Nesta primeira convocatoria, que terá lugar entre as 18 e as 21 horas, hai xa trece equipos anotados.