Vigo acolle esta fin de semana as xornadas de cardioloxía "Vigo con Corazón"
A Área de Cardioloxía do Complexo Hospitalario Universitario de Vigo organiza esta fin de semana as xornadas "Vigo con Corazón", co obxectivo de divulgar coñecementos sobre saúde cardiovascular e fomentar hábitos saudables.
"Vigo con Corazón" inaugurouse este venres no Centro Social Caixanova nun acto que contou coa presenza do alcalde, Abel Caballero, a conselleira de Sanidade, María José Rubio, o presidente de Caixanova, Julio Fernández Gayoso, e o director da Área de Cardioloxía do Complexo Hospitalario Universitario, Andrés Íñiguez Romo.
O sábado, as xornadas centraranse na divulgación de conceptos fundamentais para o coñecemento das enfermidades cardiovasculares, cunha serie de conferencias de mañá e de tarde seguidas de coloquios. Nestas conferencias analizaranse temas como a alimentación cardiosaudable, a cirurxía coronaria, os marcapasos, a insuficiencia cardíaca e o sistema urxente de transporte do 061.
A xornada do sábado completarase cun conxunto de actividades que se desenvolverán en tres carpas situadas na rúa Príncipe, de 10.00 a 13.00 e de 18.00 a 21.00 horas. Así, na carpa 1 poderase participar en actividades de divulgación da utilidade do sistema de asistencia e transporte urxente do 061. Os que visiten a carpa 2 recibirán consellos e información anti-tabaco e poderán coñecer medidas útiles para a súa saúde cardiovascular como a súa presión arterial, perímetro abdominal e índice de masa corporal. Esta actividade será complementada pola da carpa 3, onde se determinará o nivel de colesterol e glucemia e se valorará o risco cardiovascular dos que o soliciten.
Estas mesmas actividades levaranse a cabo nas mesmas carpas o domingo, Día Mundial do Corazón, desta vez só de 10.00 a 13.00 horas. Esta xornada terá como actividade central a marcha "Vigo con Corazón", que comezará ás 11.00 horas para percorrer a zona urbana. Esta marcha conta coa colaboración da Federación Mundial do Corazón, promotora do Día Mundial do Corazón.
O sábado, as xornadas centraranse na divulgación de conceptos fundamentais para o coñecemento das enfermidades cardiovasculares, cunha serie de conferencias de mañá e de tarde seguidas de coloquios. Nestas conferencias analizaranse temas como a alimentación cardiosaudable, a cirurxía coronaria, os marcapasos, a insuficiencia cardíaca e o sistema urxente de transporte do 061.
A xornada do sábado completarase cun conxunto de actividades que se desenvolverán en tres carpas situadas na rúa Príncipe, de 10.00 a 13.00 e de 18.00 a 21.00 horas. Así, na carpa 1 poderase participar en actividades de divulgación da utilidade do sistema de asistencia e transporte urxente do 061. Os que visiten a carpa 2 recibirán consellos e información anti-tabaco e poderán coñecer medidas útiles para a súa saúde cardiovascular como a súa presión arterial, perímetro abdominal e índice de masa corporal. Esta actividade será complementada pola da carpa 3, onde se determinará o nivel de colesterol e glucemia e se valorará o risco cardiovascular dos que o soliciten.
Estas mesmas actividades levaranse a cabo nas mesmas carpas o domingo, Día Mundial do Corazón, desta vez só de 10.00 a 13.00 horas. Esta xornada terá como actividade central a marcha "Vigo con Corazón", que comezará ás 11.00 horas para percorrer a zona urbana. Esta marcha conta coa colaboración da Federación Mundial do Corazón, promotora do Día Mundial do Corazón.