O Concello renova o seu apoio á Rede de Mulleres Veciñais contra os malos tratos
Por terceiro ano consecutivo, o Concello subvencionará as actividades da "Asociación Rede de Mulleres Veciñais contra os malos tratos", desta vez achegándolle 10.000 euros.
![1144760793marcha5.jpg 1144760793marcha5.jpg](https://xornal.vigo.org/storage/xornal-historico/medi/xornal/noticias/imx/opt/1144760793marcha5.jpg)
De acordo co proxecto de convenio de colaboración aprobado onte luns pola Xunta de Goberno Local, o Concello comprométese a financiar con 10.000 euros os consumos de teléfono, luz e distribución postal, así como o abono de salarios, publicidade e os gastos de formación e desprazamento das mediadoras da "Rede de Mulleres Veciñais contra os malos tratos".
A axuda destinarase ás actividades que a Asociación levará a cabo durante 2006, e será aboada do seguinte xeito: 3.500 euros entregaranse coa sinatura do convenio; 3.000, no mes de xuño; e os restantes 3.500 en decembro.
Con esta iniciativa conxunta, o Concello quere colaborar coa Rede de Mulleres Veciñais no seu labor de axuda a todas as mulleres que sofren violencia de xénero e que manifestan o seu desexo de ser axudadas pola Rede.
As accións da Rede procuran acabar coa violencia de xénero dun xeito integral e global, tal e como contempla o II Plan de Acción Municipal para combater a Violencia contra as Mulleres 2004-2007. Entre as actividades desenvolvidas pola Asociación está a atención ás mulleres da Casa de Acollida.
Centro de documentación "Alecrín"
Así mesmo, a Xunta de Goberno Local deu o seu visto bo á concesión, por parte do Concello, dunha axuda de 24.000 euros para garantir o libre acceso do público ao Centro de Documentación e Biblioteca "Alecrín" (CDBA), sito na rúa García Barbón, 30-5º oficina 8.
O CBDA realizará, entre outros servizos, o de difundir de maneira selectiva información ás asociacións de mulleres e centros de ensino públicos de Vigo, realizar o seguimento do BOE, BOP e DOG en canto aos temas relacionados coa muller e de interese específico da Concellaría da Muller, e manter e actualizar a súa páxina web, na que se deberán publicitar os seus servizos.
Segundo o proxecto de convenio entre o Grupo de Estudos sobre a Condición da Muller "Alecrín" e a Concellaría da Muller, o horario do CDBA será de 10:00 a 13:30 e de 16:00 a 20:00, de luns a venres, excepto cando rixa o horario especial de verán, que será de 10:00 a 13:30 e de 17:00 a 20:00.
"Punto informa"
Por outra parte, a Concellaría da Muller entregaralle unha subvención de 18.390 euros á Asociación de Mulleres "Dorna" para apoiar o mantemento do "Punto Informa" do barrio de Coia. De acordo co aprobado pola Xunta de Goberno Local, o "Punto Informa" ofrecerá, ás mulleres que o demanden, información xeral de interese, especialmente a que favoreza a igualdade de oportunidades. Esta actividade levarase a cabo nos locais alugados pola Asociación de Mulleres "Dorna" con tal fin.
Ademais, coa subvención da Concellaría da Muller, a Asociación de Mulleres "Dorna" organizará o obradoiro permanente de formación para mulleres "Expresión vital e formación teatral", cun mínimo de 100 horas de clases e 20 alumnas. As mulleres maltratadas terán prioridade á hora de matricularse.
Descargar todas as imaxes
A axuda destinarase ás actividades que a Asociación levará a cabo durante 2006, e será aboada do seguinte xeito: 3.500 euros entregaranse coa sinatura do convenio; 3.000, no mes de xuño; e os restantes 3.500 en decembro.
Con esta iniciativa conxunta, o Concello quere colaborar coa Rede de Mulleres Veciñais no seu labor de axuda a todas as mulleres que sofren violencia de xénero e que manifestan o seu desexo de ser axudadas pola Rede.
As accións da Rede procuran acabar coa violencia de xénero dun xeito integral e global, tal e como contempla o II Plan de Acción Municipal para combater a Violencia contra as Mulleres 2004-2007. Entre as actividades desenvolvidas pola Asociación está a atención ás mulleres da Casa de Acollida.
Centro de documentación "Alecrín"
Así mesmo, a Xunta de Goberno Local deu o seu visto bo á concesión, por parte do Concello, dunha axuda de 24.000 euros para garantir o libre acceso do público ao Centro de Documentación e Biblioteca "Alecrín" (CDBA), sito na rúa García Barbón, 30-5º oficina 8.
O CBDA realizará, entre outros servizos, o de difundir de maneira selectiva información ás asociacións de mulleres e centros de ensino públicos de Vigo, realizar o seguimento do BOE, BOP e DOG en canto aos temas relacionados coa muller e de interese específico da Concellaría da Muller, e manter e actualizar a súa páxina web, na que se deberán publicitar os seus servizos.
Segundo o proxecto de convenio entre o Grupo de Estudos sobre a Condición da Muller "Alecrín" e a Concellaría da Muller, o horario do CDBA será de 10:00 a 13:30 e de 16:00 a 20:00, de luns a venres, excepto cando rixa o horario especial de verán, que será de 10:00 a 13:30 e de 17:00 a 20:00.
"Punto informa"
Por outra parte, a Concellaría da Muller entregaralle unha subvención de 18.390 euros á Asociación de Mulleres "Dorna" para apoiar o mantemento do "Punto Informa" do barrio de Coia. De acordo co aprobado pola Xunta de Goberno Local, o "Punto Informa" ofrecerá, ás mulleres que o demanden, información xeral de interese, especialmente a que favoreza a igualdade de oportunidades. Esta actividade levarase a cabo nos locais alugados pola Asociación de Mulleres "Dorna" con tal fin.
Ademais, coa subvención da Concellaría da Muller, a Asociación de Mulleres "Dorna" organizará o obradoiro permanente de formación para mulleres "Expresión vital e formación teatral", cun mínimo de 100 horas de clases e 20 alumnas. As mulleres maltratadas terán prioridade á hora de matricularse.