Aprobou o proxecto para a remodelación da instalación eléctrica de Balaídos
A Comisión de Goberno deu luz verde hoxe ao proxecto para a remodelación da instalación eléctrica no Estadio Municipal de Balaídos. Segundo o expediente, que foi presentado fora do orden do día, as obras consistirán en colocar un cadro xeral de baixa tensión, nove cadros de arranque dos equipos do alumeado, colocación das liñas de alimentación dos cadros de arranque e a remodelación do cadro de transformación.
Esta obra vaise contratar por un importe de 548.335,32 euros, o que supón o coste total da mesma e repartirase en dúas anualidades. Ao longo de 2003, investiranse 265.000 euros e o resto, 283.335, 32 euros, con cargo aos orzamentos de 2004.