O concelleiro de Cultura, Santiago Domínguez , presentou a programación de actividades da Biblioteca Central de Vigo que se desenvolverá entre os meses de outubro e maio enfocada tanto ó público adulto como infantil. As actividades consistirán en visitas escolares , visitas guiadas e cursos de formación de usuarios, cineclub, clubs de lectura para adultos e xoves e contacontos .<br />
A concelleira de Festas, Margarida Martíns, presentou o programa "MOVEVIGO" que se realiza en colaboración coa Federación Veciñal "Eduardo Chao" co que se pretende a difusión e promoción sociocultural mediante actividades musicais, de teatro, títeres e animación infantil.
Ponse en coñecemento do público en xeral que por mor das obras de humanización da rúa Velázquez Moreno, pecharase ó tráfico a dita rúa no treito entre as rúas Ronda de Don Bosco e Progreso a partir das 11.00 horas do luns 6 de outubro e por un período aproximado de sete semanas.
A Comisión de Goberno reunese o luns, día 6, a partir das nove da mañá, con 31 asuntos para tratar na orde do día.
A directora do MARCO, Carlota Álvarez Basso, presentou os eventos e actividades que terán lugar no Museo nos próximos tres meses:exposicións temporais, actividades audiovisuais, concertos de arte sonora, mesas redondas e conferencias, entre outras, ademáis do programa didáctico para o curso 2003-2004.<br />