O alcalde convida á cidade a gozar do talento feminino no MARCO
A exposición "Mulleres do Silencio: de Maruja Mallo a Ángela de la Cruz" abre desde hoxe venres e ata o 16 de abril no MARCO amosando un cento de obras de mulleres artistas do século XX. Durante a presentación da mostra, o rexedor apostou polos espazos para dar visibilidade ao traballo das mulleres.
O MARCO foi escenario este venres da presentación da mostra "Mulleres do silencio: de Maruja Mallo a Ángela de la Cruz", comisariada por Rosario Sarmiento, que permanecerá aberta na planta baixa ata o 16 de abril. O proxecto revisa coa perspectiva actual unha compilación de obras de artistas mulleres do século XX, realizada pola cita comisaria, que se exhibiu en Santiago no ano 1995 e que percorre diferentes xeracións de artistas ata chegar ás creadoras que acceden a formación por primeira vez en Galicia.
A exposición recolle preto dun cento de obras procedentes de diferentes orixes: constitucións, museos, centros de arte e coleccións particulares, amais de documentación complementaria, nalgúns casos inédita, froito da investigación levada a cabo en arquivos e coleccións.
O alcalde celebrou a presenza de "grandes artistas" no MARCO e convidou a toda a cidade a gozar da mostra apostando por dar "máis pasos para materializar a palabra igualdade" porque a "visibilidade das mulleres" ten que ter o seu espazo, apostilou. Así puxo en valor, o talento e a excelencia do traballo feminino que pode contemplarse nesta exposición.
Descargar todas as imaxes
A exposición recolle preto dun cento de obras procedentes de diferentes orixes: constitucións, museos, centros de arte e coleccións particulares, amais de documentación complementaria, nalgúns casos inédita, froito da investigación levada a cabo en arquivos e coleccións.
O alcalde celebrou a presenza de "grandes artistas" no MARCO e convidou a toda a cidade a gozar da mostra apostando por dar "máis pasos para materializar a palabra igualdade" porque a "visibilidade das mulleres" ten que ter o seu espazo, apostilou. Así puxo en valor, o talento e a excelencia do traballo feminino que pode contemplarse nesta exposición.