Comezan os traballos de acondicionamento das praias de Samil e O Vao para Semana Santa
O operativo incluirá a retirada de residuos e a recolocación da area acumulada nos muros e escaleiras, trasladándoa cara á zona de explanada. Empregarase maquinaria especializada composta por dous tractores, unha pala retroexcavadora e unha motoniveladora, ademais da intervención de oito operarios que garantirán a eficacia dos traballos.
O Concello iniciou este luns de marzo os traballos de limpeza e explanación das praias de Samil e Vao, co obxectivo de que os areais estean en perfectas condicións para o seu uso durante a Semana Santa, xa que nesta tempada de 2026, os fortes ventos do oeste moveron os areais máis do habitual.
O operativo, que actuará en horario de mañá, incluirá a retirada de residuos e a recolocación da area acumulada nos muros e escaleiras, trasladándoa cara á zona de explanada. Para iso, empregarase maquinaria especializada composta por dous tractores, unha pala e coma novidade este ano unha motoniveladora, ademais da intervención de oito operarios que garantirán a eficacia dos traballos.
Ademais, reforzarase o dispositivo de limpeza durante toda a Semana Santa cun equipo especial de 10 operarios que traballarán diariamente en todas as praias de Vigo, de luns a domingo, asegurando o mellor estado posible dos areais para residentes e visitantes.